ده‌سپێک l مقالات l هه‌واڵ l به‌یاننامه‌ و ڕاگه‌یاندن l سکرتێری گشتی l چاوپێکه‌وتن و وتووێژ l چاند و هونه‌ر l به‌رنامه‌ و په‌یڕه‌و l برنامه‌ و اساسنامه
هه‌وڵ
بە بۆنەی ساڵیادی کیمیابارانی هەڵەبجە، یەکێتیی دیموکراتی کوردستان بەیاننامەیەکی بڵاو کردەوە
15 / 3 / 2017
بەیاننامەی "یەکێتیی دیموکراتی کوردستان" سەبارەت بە ساڵیادی کیمیابارانی هەڵەبجە
کارەساتی کیمیابارانی هەڵەبجە ئازارێکی بەسوێی نەتەوەی کوردە کە هەرگیز سارێژ نابێت، لە ماوی زیاتر لە سەدەیەک خەبات بۆ گەیشتن بە ئامانجە ڕەوا سیاسییەکان و بەدەستهێنانی مافی ڕەوای گەلەکەمان، گەلێک کارەسات و ڕووداوی تراژیک ودڵتەزێن و مرۆڤهەژێن بە سەر نەتەوەی کورددا هاتووە؛ هەر لە کۆمەڵکوژی و ڕووخانی کۆمار و لەسێدارەدانی چالاکانەوە بگرە تا هەڵکوتانە سەر بێتاوانان و ڕاوەدوونانی خەڵکی ئاسایی گەلەکەمان، هەڵکردنی شاڵاوی تیرۆر و ڕەشەکوژی و نانەوەی ئاژاوە و بشێوی و پیلانگێڕی، تا لە قاڕنا و قڵاتان تا ئەنفال و شەنگال، هەموو جۆرە کارەساتێک بە سەر نەتەوەکەماندا هاتووە بەڵام٫ بە خۆشحاڵییەوە گەلەکەمان توانیوویەتی بەزێنەر و پەڕێنەری هەموو ئەو کارەسات و قۆناخانە بێت و ئەمڕۆ وەک گەورەترین نەتەوەی بێدەوڵەت، وەک تەنیا نەتەوەی کۆڵنەدەر، بەگژ تاریکی و جەهل و تارمایی و تیرۆردا بچێتەوە. هەڕ بۆیە لە سەرەتای سەدەی بیست و یەکەم، لاپەڕەکانی مێژووی جیهان بە ناوی قارەمانێتی و گیانبازیی و کۆڵنەدانی گەلی کورد پڕ دەبێت و ناوی بۆ هەمیشەی مێژووی جیهان ناوێکی بەرگریکار و خۆڕاگر دەبێت.
ئەوەی کە لاپەڕەکانی مێژووی جیهان و لە سەرەتای سەدەی بیست و یەکەم کورد وەک ئەو نەتەوە خۆڕاگر و بەرگریکارە لە مرۆڤایەتی دەنووسێتەوە لە سەر بنەمای کارەساتێکی جگەربڕی نەتەوەکەمانە کە ئەویش کیمیابارانی هەڵەبجەیە، بەڵێ هەڵەبجە ئەو ناسنامەی نەتەویی کوردەیە کە لە لووتکەی هەرە بڵندی کارەساتە تراژدییەکانی مرۆڤایەتیدا بە زیندوویی ڕاوەستاوە و مۆری ڕەشی نێوچاوانی داگیرکاری و چەوساندنەوەیە. 
وەک یەکێتیی دیمووکراتی کوردستان یادی هەڵەبجە و قوربانیدانی گەلەکەمان بۆ هەمیشە زیندوو ڕادەگرین و سەری خۆمان لە ئاست گیانبەختکردووانی کارەساتی کیمیابارانی هەڵەبجە نەوی دەکەین. هیوادارین هەرگیز کارەساتی لەو جۆرە نەتەنیا بە سەر نەتەوی کورد بەڵکوو بە سەر هیچ کۆمەڵگەیەک و ژینگەیەکی ئینسانی و سرووشتیدا دووبارە نەبێتەوە.
یەکێتیی دیموکراتی کوردستان – ئێران
١٥/٣/٢٠١۷



ژماره 57
بڵاوکراوه‌یه‌کی سیاسی گشتییه، ئۆرگانی ڕاگه‌یاندنی یه‌کێتی دیموکراتی کوردستان ده‌ریده‌کات‌
01 02 03 04 05 06 07 08
هه‌وڵ
پەیامی هاوخەمی یەکێتیی دیموکراتی کوردستان سەبارەت بە زەویلەرزەی پارێزگاکانی کوردستان
سەردانی یەکێتیی دیمۆکراتی کوردستان لە کۆمەڵەی شۆڕشگێڕی زەحمەتکێشانی کوردستانی ئێران
مافی کۆپی کردن پارێزراوه‌ بۆ سایتی یه‌کێتی دیموکراتی کوردستان 2009 ده‌سپێک l هه‌واڵ l بۆنه‌ و ڕێوڕه‌سم l کۆمیته‌کان l خه‌باتی ئاشتیخوازانه‌ l ئه‌رشیف l ڤیدیۆ l په‌یوه‌ندی