ههڤاڵانی بهڕێز و سهركردایهتی یهكێتی دیموكراتی كوردستان, ساڵوهگهڕی دامهزراندنی یهكێتی دیموكراتی كوردستان له ئێوه و سهرجهم هاوڕێبازانمان پیرۆزبایی پێ دهڵێین و ساڵی ئاینده، وهك ساڵی بووژانهوهی خهباتی ئۆپۆزیسیۆن ناوزهد دهكهین. گومان لهوهدا نییه مهردمی بهوهفای رۆژههڵاتی كوردستان، ههر رۆژ فرهتر له رۆژان و مانگانی ڕابردوو بۆ رێگهی چارهی مهدهنییانه دهگهڕێن تا چارهنووسی كورد بهرهو گێژاوی خراپتر نهڕوات.
جێی خۆیهتی دهزگیركردن و بێ سهر و شوێنكردنی چهند كهس له ناوچهی جوانڕۆ و دهوروبهری وهك كۆمیتهی جوانڕۆی یهكێتی دیموكراتی كوردستان، مهحكوم بكهین و داواكارین چارهنووسی ئهو كهسانه به زووترین كات روون ببێتهوه.
ئێمه وهك رێكخستنی ناوخۆیی یهكێتی دیموكراتی كوردستان ـ كۆمیتهی جوانڕۆ، لهم رۆژی بهشكۆیهدا داوا له ههموو هێزێكی كوردی دهكهین كێشهكان له بیر بكهن و بۆ بهئهنجام گهیاندنی ئامانجێكی بهرز و بهڕێزتر تێبكۆشن. ئێمه وهك رێكخستنی ناوخۆیی ئامادهین بهرهیهكی ناوخۆیی بۆ كاروبار و چالاكی رێكبهخهین و داوا له ههموو هاوسهنگهرانمان دهكهین، بهشداری ئهو بهرهیه ببن، تا به هاوكاری و هاوخهباتی یهكتری بتوانین بگهینه خاڵه دیاریكراوهكانمان.
ڕێكخستنی ناوخۆ ـ كۆمیتهی جوانڕۆ
30/02/1389
30/02/2710