ده‌سپێک l مقالات l هه‌واڵ l به‌یاننامه‌ و ڕاگه‌یاندن l سکرتێری گشتی l چاوپێکه‌وتن و وتووێژ l چاند و هونه‌ر l به‌رنامه‌ و په‌یڕه‌و l برنامه‌ و اساسنامه
ووتاری کوردی
بەیاننامەی یەکێتیی دیموکراتی کوردستان سەبارەت بە ڕۆژی جیهانی ژنان
*******************
6 / 3 / 2017
ئازادیخوازان و یەکسانیخوازانی کوردستان

پێش هەموو شتێک ٨ی مارس ، ڕۆژی جیهانی ژنان لە ژنانی کوردستان و هەموو ئازادیخوازان و یەکسانیخوازانی کوردستان پیرۆز دەکەین.

نێزیك به‌ یه‌ك سه‌ده‌ و نیو چالاكی و خه‌بات دژی نابه‌رابه‌ری و نایه‌كسانی و نادادپه‌روه‌رییه‌كانی كۆمه‌ڵگه‌ی مرۆڤایه‌تی له‌ لایه‌ن ژنان و هاوشانی ئه‌وان پیاوانی ئازادیخوازیش درێژه‌ی هه‌یه‌ و تا ڕاده‌یه‌كی زۆر كاریگه‌ری خۆی له‌ سه‌ر بیر و هزری پیاو سالاری و ڕوانگه‌ی ناعه‌قڵانی نابه‌رابه‌ری ڕه‌گه‌زی داناوه‌ و توانیویه‌تی بیر و ڕای گشتی به‌رامبه‌ر به‌ چینی ژنان و مافه‌ ڕه‌واكانیان بگوڕێت و ناخی كۆمه‌ڵگه‌ی پیاوسالار بهه‌ژێنێت و وه‌ك بۆنه‌یه‌كی جیهانی ئه‌م ڕۆژه‌ به‌ناوبانگترین بۆنه‌ی جیهانی بێت كه‌ به‌ یادی خه‌باتی ژنانی ئازادیخواز و مافخوازی جیهان، روژی 8ی مارسی هه‌ر ساڵێك وەک ڕۆژی جیهانی ژن، به‌رز و پیرۆز ڕاگیرێت.

له‌و ڕۆژه‌دا جێگه‌ی  خۆیه‌تی تێخی تیژی ڕه‌خنه‌گرانه‌ی خۆمان ڕووبه‌ڕووی كۆمه‌ڵگه‌كه‌مان بكه‌ینه‌وه‌ كه‌ كۆمه‌ڵگه‌ی كوردستان و ئێران به‌ داخه‌وه‌ كۆمه‌ڵگه‌یه‌كه‌ كه‌ تا ناخی ئاخێنراوه‌ به‌ فه‌رهه‌نگ و كلتووری پیاوسالارانه‌ و تایبه‌ت كه‌ سیسته‌می سیاسی له‌ ئێراندا هه‌موو كات په‌ره‌پێده‌ری ئه‌و فه‌رهه‌نگه‌ خراپەی مرۆڤایه‌تییه‌ كه‌ ژن وه‌ك چینێكی چه‌وساوه‌ و سته‌م لێكراو هێشتووه‌ته‌وه‌ و مه‌جالی هه‌ناسه‌ی ئازادی بۆ مرۆڤه‌ یه‌كسانخواز و دادپه‌روه‌ره‌كان نه‌هێشتووه‌ته‌وە و له‌و پێناوه‌شدا ڕه‌وتی ئازادیخوازی و یه‌كسانیخوازی ڕه‌گه‌زی گه‌لێك قوربانی داوه‌ به‌ڵام به‌ خوشحاڵیه‌وه‌ ئه‌و ڕه‌وته‌ توانیوویه‌تی كه‌ به‌ هیمه‌ت و تێكۆشانی ژنان و پیاوانی ئازادیخوازه‌وه‌ به‌رده‌وام بێت له‌ ڕۆشنگه‌ری گشتی كۆمه‌ڵگه‌ به‌رامبه‌ر به‌ مافی یه‌كسانی ڕه‌گه‌زی و به‌ گژداچوونه‌وه‌ی سته‌می كۆمه‌ڵایه‌تی و سیاسی و ئابووری به‌ رامبه‌ر به‌ ژنان و خه‌بات بۆ چه‌سپاندنی مافه‌ ڕه‌واكانی ئه‌و چینه‌.

وه‌ك یه‌كێتیی دیموكراتی كوردستان وێڕای به‌رز و پیرۆز ڕاگرتنی 8ی مارس وه‌ك ڕۆژی جیهانی ژنان پاڵپشتی خۆمان بۆ به‌رده‌وامی خه‌باتی ئازادیخوازی و یه‌كسانخوازی ژنانی كوردستان و ئێران دووپات ده‌كه‌ینه‌وه‌ و باوه‌ڕمان وایه‌ كه‌ سه‌ده‌ی بیست و یه‌ك ، سه‌ده‌ی ئازادی ژن و گه‌یشتن به‌ ئازادی و به‌رابه‌ری كۆمه‌ڵایه‌تی و سیاسی و ئابووریه‌ له‌ نێوان هه‌ردوو ڕه‌گه‌زی نێر و مێدا و خۆمان به‌ ئه‌ركدار ده‌زانیین كه‌ له‌و پێناوه‌دا هه‌وڵ بۆ به‌دیهێنانی بكه‌ین و ماندوو نه‌ناسانه‌ خه‌باتی خۆمان بۆ سه‌رخستنی یه‌كسانی و دادپه‌روه‌ری په‌ره‌ پێبده‌ین.

به‌رز و پیرۆز بێت 8ی مارس ڕۆژی جیهانی ژنان و ڕۆژی یه‌كسانی و دادپه‌روه‌ری
یەکێتیی دیموکراتی کوردستان
٦/٣/٢٠١٧



بۆچوونه‌کان
بۆچوون بنووسه‌

ناو:  

ئیمه‌یل:  

تێکستی کۆمێنته‌که‌ت  
ژماره 57
بڵاوکراوه‌یه‌کی سیاسی گشتییه، ئۆرگانی ڕاگه‌یاندنی یه‌کێتی دیموکراتی کوردستان ده‌ریده‌کات‌
01 02 03 04 05 06 07 08
ووتاری کوردی
دەسپێکێکی نوێ
ڕیفراندۆم لە باشوور و وانەیەک بۆ خۆرهەڵات/ کورتەیەک سەبارەت بە یەکگرتوویی دژمنان و پەرتەوازەیی ئێمە!؟
مافی کۆپی کردن پارێزراوه‌ بۆ سایتی یه‌کێتی دیموکراتی کوردستان 2009 ده‌سپێک l هه‌واڵ l بۆنه‌ و ڕێوڕه‌سم l کۆمیته‌کان l خه‌باتی ئاشتیخوازانه‌ l ئه‌رشیف l ڤیدیۆ l په‌یوه‌ندی