ده‌سپێک l مقالات l هه‌واڵ l به‌یاننامه‌ و ڕاگه‌یاندن l سکرتێری گشتی l چاوپێکه‌وتن و وتووێژ l چاند و هونه‌ر l به‌رنامه‌ و په‌یڕه‌و l برنامه‌ و اساسنامه
ووتاری کوردی
چلەی حۆسەین و بووكە شووشە و هەڵبژاردن
خەلیل محەمەدی
7 / 12 / 2015

ئەربەعینی حۆسەینی یان بە كوردیەكەی چلەی ماتەمینی حۆسەینیی ئەمساڵ لە وڵاتی عێراق جیاواز لە ساڵەكانی تر بوو هەر بە پێیی ڕاگەیەنراوەكانی حكومەتی عێراق و هەروەها حكومەتی ئێرانیش زیاتر لە ملیۆنێك كەسی ئێرانی بە بێ ڤیزە و بە شێوەی نافەرمی بە مەبەستی خۆ گەیاندن بە كەربەلا و بەشدار بوون لە مەراسیمی چلەی ماتەمینی حۆسەینی ، هاتنە نێو خاكی عێراق، با ئەو لێكدانەوە  و خوێندنەوە بمێنێت كە وڵاتی عێراق چیدی وڵاتێكی خاوەن سەروەری خۆی نییە و لە بن ڕەحمەتی دەسەڵاتداریەتی كۆماری ئیسلامی ئێراندایە و بە شێوەیەكی نافەرمی داگیركراوە و تەراتێنی هێزی سەربازی كە هیچ بەڵكوو خەڵكی ئاسایی و بە بێ ڤیزە و بە ژمارەیەكی بەرچاوی ملیۆنی هاتووچۆی وڵاتی عێراقیان كردووە و بە خواست و زۆرەملێی خۆیان سنووری وڵاتی عێراقیان بەزاندووە كە بە پێیی یاسا نێو نەتەوەییەكان جۆرێكی ئاشكرایە لە بنپێ خستنی سەروەری وڵاتی عێراق، بەڵام لێرە مەبەست باس كردن و لێكدانەوەی ئەو هەواڵەیە كە لە لایەن هێزە ئەمنی و پۆلیسیەكانی كۆماری ئیسلامی ئێرانەوە بڵاو كرایەوە كە زیاتر لە 300 بووكە شووشەی گوومانلێكراو لە لایەن هێزی پۆلیس و ئەمنیەوە دەستی بەسەردا گیراوە كە زیارەتكەرانی كەربەلا و بەشدار بووانی مەراسیمی چلەی ماتەمینی حۆسەینی لە وڵاتی عێراقەوە لە گەڵ خۆیان هێناویانێتەوە بۆ نێوخۆی وڵاتی ئێران.
هەر لە هەواڵەكەدا هاتووە كە ئەو بووكە شووشانە، مادەی جێی گوومانیان تێدا بووە و پێشتریش داعش هەڕەشەی لە ئێران كردبوو كە كردەوەی تیرۆریستی لەو وڵاتە ئەنجام ئەدات و دەستی تۆڵەی خۆی دەگەیەنێتە نێوخۆی ئەو وڵاتە، هەر بۆیە پۆلیس و هێزە ئەمنیەكان بە شێوەیەكی وردبینانە بەدواداچوون بۆ ئەو بووگە شووشانە دەكەن و بۆ پاراستنی كەشی ئاسایشی وڵات، هێزی ئەمنی زیاتر لە نێو شارەكان بڵاوەیان پێ كراوە تایبەت لە شاری تارانی پایتەختی ئێران.
گەرچی ئەو بڵاوە پێكردنەی هیزە ئەمنیەكان لە جێگا گشتیەكانی شارە گەورەكان بە مەبەستی پەرچدانەوەی كردەوە تیرۆریستیەكان ڕاگەیەندراوە بەڵام ڕاستیەكی شاراوەی تر هەیە كە ئەویش مشووری هەڵبژاردنی سێ مانگی داهاتووە كە هەر لە ئێستاوە شەڕی باڵەكانی نێوخۆی حكوومەت ڕووی لە توند و ئاڵۆز بوونە و ترسی پاتە بوونەوەی ئەزموونی هەڵبژاردنەكانی پێشوویان لێ نیشتووە كە ئەنجامی هەڵبژاردنەكان و ململانێی باڵەكان، ئاڵۆزییەكی مەترسیداری لێ بكەوێتەوە كە خەڵك وەك بیانوویەك بیقۆزنەوە كە شۆڕشێكی جەماوەری و سیاسی پێ ساز كەن و دەسەڵاتی كۆماری ئیسلامی بخەنە مەترسیەوە، هەر بۆیە بۆ مشوور وەرگرتنی بۆ ئەو دۆخە پێویستە كە كەشێكی ترسێنەر درووست بكرێت كە هێزە ئەمنیەكان بە پاساوی پاراستنی ئاسایشی گشتی كۆمەڵگە هەر لە ئێستەوە هەر جۆرە جووڵەیەكی نامۆ و دژ بە دەسەڵات بە بیانووی تیرۆریستی بوون سەركوت بكرێت.



بۆچوونه‌کان
بۆچوون بنووسه‌

ناو:  

ئیمه‌یل:  

تێکستی کۆمێنته‌که‌ت  
ژماره 62
بڵاوکراوه‌یه‌کی سیاسی گشتییه، ئۆرگانی ڕاگه‌یاندنی یه‌کێتی دیموکراتی کوردستان ده‌ریده‌کات‌
01 02 03 04 05 06 07 08 09 10 11 12
ووتاری کوردی
هێژموونیی زمانی فارسی و هەوڵ بۆ سڕینەوەی زمان و شوناسی کوردی
هەنگاوی بەرەو دوا
مافی کۆپی کردن پارێزراوه‌ بۆ سایتی یه‌کێتی دیموکراتی کوردستان 2009 ده‌سپێک l هه‌واڵ l بۆنه‌ و ڕێوڕه‌سم l کۆمیته‌کان l خه‌باتی ئاشتیخوازانه‌ l ئه‌رشیف l ڤیدیۆ l په‌یوه‌ندی