ده‌سپێک l مقالات l هه‌واڵ l به‌یاننامه‌ و ڕاگه‌یاندن l سکرتێری گشتی l چاوپێکه‌وتن و وتووێژ l چاند و هونه‌ر l به‌رنامه‌ و په‌یڕه‌و l برنامه‌ و اساسنامه
ووتاری کوردی
كێ ئەبێ كیمیابارانی سەردەشتی لە بیر نەچێتەوە؟
********************
26 / 10 / 2015
لە 18ی ئەم مانگە شتاین مایەری وەزیری دەرەوەی ئاڵمانیا بۆ پێشكەش كردنی وتارێكی زانستی بە ناونیشانی " ڕۆڵی پەروەردە لە پایەداری و گەشەی ڕاوەستاو" لە زانكۆی تاران ئامادە بوو كە پێش پێشكەش كردنی وتارەكەی لە لایەن هەندێك لە خوێندكارە بەسیجیەكانی گرێدراو بە ڕەوتی توندئاژۆكانی نێو دەسەڵاتی كۆماری ئیسلامی بە بەرز كردنەوەی وێنەی شەهیدانی كیمیابارانی سەردەشت و درووشمی "سەردەشتمان لە بیر ناچێت " و لە سەر كردنی دەمامكی دژەشیمیایی، ناڕەزایەتی خۆیانیان بە بۆنەی هاتنی وەزیری دەرەوەی ئاڵمانیا بۆ ئێران ڕاگەیاند و ئەوەیان بە بیری مێوانە ئاڵمانی و هەوەها هەمووی ئەوانە هێنایەوە كە یان ڕاستەوخۆ لەوێ بوون یان دواتر لە هەواڵەكاندا بینیان و بیستیان كە تاوانێكی دژەمرۆڤی دەرحەق بە خەڵكی شارێك كراوە كە تا هەنووكە كەس نەچووتە ژێرباری بەرپرسیارێتی ئەو تاوانە و تا هەنووكە وەك هێمای ستەملێكراوی كۆماری ئیسلامی بە دەستەوە دەگیرێت و وەك هەر جارە دەسەڵاتدارانی كۆماری ئیسلامی بۆ مەرامی سیاسی خۆیان پرۆپاگاندای پێوە دەكەن و بۆ ڕەوایەتی دان بە سیاسەتە چەوتەكانی خۆیان و بەرابەر بە فشاری وڵاتانی ئەرووپایی بۆ بن پێ نەكردنی مافی مرۆڤ لە ئێراندا بە كاری دەهێنن.  
بەڵام دەبێ بپرسین ئەبێ كێ ئەو ستەمە لە بیر نەكات و كێ ئەو كیمیابارانەی سەردەشت لە بیر نەكات و كی
َ ئەبێ بە بیری نەتەنیا وڵاتێك و دەسەڵاتێك بەڵكوو بە بیری هەموو جیهان بهێنێتەوە كە دەر حەق بە شارێك و دەرحەق بە نەتەوەیەك و دەرحەق بە مرۆڤایەتی وەها ستەمێكی كۆشەندە كراوە كە ئاسەوەارەكەی دوای تێپەڕ بوونی سێ دەیە زەمەن بۆ زەمەنێكی دوور هەر دەمێنێتەوە؟
ئەوەی كە لە ساڵۆنی وتاری وەزیری دەرەوەی ئاڵمانیا كراوە تەنیا پرۆپاگەندای سیاسی لایەنێكی سیاسی نێو دەسەڵاتی كۆماری ئسلامیە كە بۆ فشار خستنە سەر دەوڵەتی ڕۆحانی بەكاری دێنێ تاكوو ئاستەنگی لە بەردەم چالاكیە دیپلۆماتیە دەرەكیەكەی درووست بكات و هاوكات سیاسەتی گشتی كۆماری ئیسلامیە بەرابەر بە ئەرووپا بۆ پەردەپۆش كردنی باسی مافی مرۆڤی بن پێ كراوی مرۆڤی ئێرانیە.
لە ڕاستیدا ئەوەی كە خاوەنی سەردەشتە و حەقی بە سەر سەردەشتەوە هەیە یەكەم خەلًكی سەردەشت و دووهەم گەلی كورد و سێهەم مرۆڤی ئازادیخوازی جیهانە كە نابێ ئەو كارەساتەی كە بە سەر سەردەشت و هەروەها هەڵەبجە و گەلی كورددا هاتووە لە بیری بكات و هەردەم و بە هەر بیانوویەك و لە هەر جێگایەك بە بیری هەموو جیهانی بهێنێتەوە.   



بۆچوونه‌کان
بۆچوون بنووسه‌

ناو:  

ئیمه‌یل:  

تێکستی کۆمێنته‌که‌ت  
ژماره 58
بڵاوکراوه‌یه‌کی سیاسی گشتییه، ئۆرگانی ڕاگه‌یاندنی یه‌کێتی دیموکراتی کوردستان ده‌ریده‌کات‌
01 02 03 04 05 06 07 08
ووتاری کوردی
لە موکریانەوە بۆ زەهاو , نەتەوەیەکی زیندوو
زەویلەرزەیەک بۆ ڕووت دەرکەوتن
مافی کۆپی کردن پارێزراوه‌ بۆ سایتی یه‌کێتی دیموکراتی کوردستان 2009 ده‌سپێک l هه‌واڵ l بۆنه‌ و ڕێوڕه‌سم l کۆمیته‌کان l خه‌باتی ئاشتیخوازانه‌ l ئه‌رشیف l ڤیدیۆ l په‌یوه‌ندی