ده‌سپێک l مقالات l هه‌واڵ l به‌یاننامه‌ و ڕاگه‌یاندن l سکرتێری گشتی l چاوپێکه‌وتن و وتووێژ l چاند و هونه‌ر l به‌رنامه‌ و په‌یڕه‌و l برنامه‌ و اساسنامه
ووتاری کوردی
ستەم و كۆچ
هیوای نوێ
30 / 9 / 2015
لەو ماوەیەدا شەپۆلێكی بەرفراوان لە پەنابەران مەیلەو ئەرووپا ڕووی لە كۆچكرن كرد كە زۆرتر خەڵكی لێقەوماوی سوریا و عێراق و ئێران و ئەفغانستان و لیبیا بوون و هەروەها پەناخوازانی چەندین وڵاتی تری ئاسیاییش تێكەڵ بەو شەپۆلە بوون و خۆیانیان گەیاندە ئەرووپا كە لە دوای شەڕی دووهەمی جیهانیەوە ئەم شەپۆلە لە پەنابەری و پەناخوازی بێ هاوتاو و بێ وێنە بووە. 
دیارە كە دیاردەی پەنابەری و پەناخوازی لە بنەڕەتدا دەگەڕێتەوە بۆ ئەوەی كە مرۆڤ بە دوای جێگا و شوێنێكی ئەمندا دەگەڕێت كە بتوانێت بە ئاسوودەیی و بە خۆشگوزەرانی ژیانی بە سەر بەرێت و ئەوەش كە ناچار دەبێت ببێت بە پەنابەر و پەناخواز، نالەباری ڕەوشی سیاسی و ئابووری و كلتووری كۆمەڵگەكەیەتی كە وا دەكات كە تاك و كۆی ئەو كۆمەڵگەیە بۆ خۆ دەرباز كردن لە مەترسیەكانی وەك شەڕ و سێدارە و كوشتن و بەند كردن پەنا بباتە بەر وڵاتێك كە بتوانێت بە پارێزراوی بمێنێتەوە و دەستی دەسەڵاتی وڵاتەكەی و دوژمنەكانی نەگاتێ و بتوانێت بەردەوام بێت لە ژیان كردنی ئاسایی .
خۆرهەڵاتی ناوەڕاست لە ئێستادا بە دۆخێكی هەستیاردا تێ دەپەڕێت و ململانێی چەندین هێزی ناوچەیی و جیهانی ئەو بەشە لە گۆی زەوی كردووتە دۆزەخێك كە كۆچ كردنی خەڵكی ناوچەكە وەك تەنیا چارەسەری دەرباز بوون لەو قەیرانانە، بووتە دیاردەیەكی مێژوویی و لە مێژووی سەردەمدا و لە سەدەی بیست و یەكەمدا وەك كارەساتێكی مرۆیی تۆمار دەكرێت، گەرچی كۆچ كردن لە خۆرهەڵاتی ناوەڕاست لە یەك سەدەی ڕابردوودا بوونی هەبووە بەڵام ئەوی كە ئەم ماوەیە ڕوویدا ڕووداوێكی مێژووی كۆچی بە كۆمەڵی مرۆڤی خۆرهەڵاتی ناوەڕاستی بوو كە لە ئەنجامی شەڕ و ستەمی بەرفراوان ناوچەكە بەرهەم هاتووە.
ئەوەی كە بووەتە هۆكاری سەرەكی كۆچ لە خۆرهەڵاتی ناوەڕاستدا نەمانی ئەمنیەت و ئاسایشی ژیان و هەروەها ڕووخانی بنەما ئابووری و ژینگەی شارنشینیە كە ڕاستەوخۆ ڕژێمە دەسەڵاتدار و هێز و لایەنە سیاسی و ئایینیەكانی ناوچەكە لێی بەرپرسیارن، ئەو ڕژیم و حكومەت و هێز و گرووپانەی كە بەرهەمی سەرەكی دەسەڵاتەكەیان ستەم كردن لە خەڵكی ناوچكە بووە و وەك ستەمكارێك هەلسووكەوتیان كردووە و ستەم كردن بووتە دیاردەیەكی باو لە حكومەت  كردن و دەسەڵات سەپاندن بە سەر خەڵكدا لە خۆرهەڵاتی ناوەڕاست كە ئاكامەكەی تەنیا كۆچ كردن بووە لەم چەند دەیەی ڕابردوو و هەروەها هۆی سەرەكی كۆچ دەبێت لە داهاتوشدا. 


 ** ئەم بابەتە لە سەرووتاری ڕۆژنامەی هیوای نوێی ژمارە ٥٥ بڵاو کراوەتەوە


بۆچوونه‌کان
بۆچوون بنووسه‌

ناو:  

ئیمه‌یل:  

تێکستی کۆمێنته‌که‌ت  
ژماره 62
بڵاوکراوه‌یه‌کی سیاسی گشتییه، ئۆرگانی ڕاگه‌یاندنی یه‌کێتی دیموکراتی کوردستان ده‌ریده‌کات‌
01 02 03 04 05 06 07 08 09 10 11 12
ووتاری کوردی
هێژموونیی زمانی فارسی و هەوڵ بۆ سڕینەوەی زمان و شوناسی کوردی
هەنگاوی بەرەو دوا
مافی کۆپی کردن پارێزراوه‌ بۆ سایتی یه‌کێتی دیموکراتی کوردستان 2009 ده‌سپێک l هه‌واڵ l بۆنه‌ و ڕێوڕه‌سم l کۆمیته‌کان l خه‌باتی ئاشتیخوازانه‌ l ئه‌رشیف l ڤیدیۆ l په‌یوه‌ندی