ده‌سپێک l مقالات l هه‌واڵ l به‌یاننامه‌ و ڕاگه‌یاندن l سکرتێری گشتی l چاوپێکه‌وتن و وتووێژ l چاند و هونه‌ر l به‌رنامه‌ و په‌یڕه‌و l برنامه‌ و اساسنامه
ووتاری کوردی
خوێندنەوە بۆ وێنەیەكی مێژوویی/ ئەو وێنەیە كە ڕووی ڕاستەقینەی ئەردوغان دەر دەخات
ڕەزا نیکفەرد
29 / 7 / 2015
ئەوە سروشتی مرۆڤە كە هەرچی تەمەنی بەرزتر و هەڵكشان بە خۆیەوە دەبینێت، شێوەی بیركردنەوە و ڕێچكەی هزر و ڕێگەی ژیانی و كوناوەجكەی بینینی ئایدیۆلۆژیانەی بە نیسبەت جیهانی دەوروبەری ، تووشی گۆڕان دێت یان نا بە پێچەوانەوە خۆی دەگۆرێت لە گەڵ هەلومەرجە جیاوازەكان بۆ بەدیهێنانی ئاواتە سیاسی و ئابووری و پێگە كۆمەڵایەتیەكانی، كە بە دوور لە پێودانگە ئەخلاقیەكان بە درووست یا نادرووست زانینی ئەو شێوە لە گرتنە بەری هەڵبژاردنی فیكر و ئایدیا و خۆگونجاندن لە گەڵ كەش و كات و شاردنەوەی ڕووی ڕاستەقینەی خۆی بۆ گەیشتن بە ئامانجی مەبەست ، دەكرێت مێژووی بیر و ڕامان و یارانی ئەو كەسە وەك فاكتەرێك بۆ هەڵسەنگاندنی كار  كردەوەكانی لە ئێستادا و لە داهاتوویەكی نێزیكدا بكرێتە بنەمایەك بۆ خۆێندنەوەی هەڵسوو كەوت و بزاوتی كە چ ڕێگایەك و چ ئامانجێك دەگرێتە بەر گەرچی ئەم بیرۆكەیە شتێكی نیسبیە و ناكرێت بە سەر هەموو كەسدا بسەپێنرێت و وەك تەنیا ئامراز و ڕێگای ناسین بە كار بێت و شەرتیش نیە كە هەر ڕاستیش بێت.
ئەوانەی كە شارەزای كاروباری توركیان باش لە ستراتیژی حوكمڕانانی ئەو وڵاتە تێدەگەن و دەزانن كە هەر كەسایەتییەك و هەر حیزب و لایەنێك لە هەوڵی چیدایە و ئامانجی لە حوكمداری ئەو وڵاتە چیە و بە سیاسەتەكانی توركیا بەرەو كوی پەلكێش دەكات، یەكێك لەو كەسانەش ڕەجەب تەیب ئەردۆغانە كە سیاسەتەكان و بیر كردنەوەی كاریگەری ڕاستەوخۆی لە سەر سیاسەتی گشتی ئەو وڵاتە هەیە.  
لە مێژووی هاوچەرخی توركیا شایەت دوای مستەفا كەمال ئاتاتورك، كاریگەرترین كەسایەتی سەر سەكۆی سیاسی و حوكمڕانی توركیا، ڕەجەب تەیب ئەردوغان بێت كە ئەمڕۆكانە بۆ هەموو كەس ناسراوە بەڵام شایەت بۆ هەموو كەسمان كەسایەتیەكەی و جیهانبینیە سیاسیەكەی و هەروەها مێژووی ژیانی و هاوفیكرە سیاسیەكانی لە وڵاتە جیاوازەكاندا تا ڕادەیەك نەناسراو و وێنە یادگاریەكانی نەبینراو بێت.
ئەو وێنەیەی كە لێرە دانراوە یەكێك لەو وێنە دەگمەنانەیە كە تا ڕادەیەك ڕوونكەروەی هەندێك ڕاستی لە سەر ڕێگا فیكری و ڕێچكە سیاسی و هاوفیكرە ستراتیژەكانی ڕەجەب تەیب ئەردوغانە كە هەركام لەو كەسانە خاوەن ڕێكخراوی خۆیانن و لە بنەمادا یە ك فیكرە و چەند ستیرتیژی جۆراوجۆریان هەڵبژاردووە و بە پێی سرووشتی كار و خەباتی سیاسی وڵاتەكەیان هەنگاوەكانیان دەهاوێژن ، هەر لە لای ڕاستەوە ڕەجەب تەیب ئەردوغان سەرۆكی داد و گەشەپێدانی توركیایە  ئەوەی دانیشتووە لە سەر كورسیەكە گۆڵبەدین حكمەتیارە كە سەرۆكی حیزبی ئیسلامی ئەفغانستانە و كەسی لای چەپیش ڕاشد غەنووشیە كە سەرۆكی حیزبی نەهزەی ئیسلامی تونسیە ، بۆ ئەو كەسانەی كە شارەزای ووتار و دیسكۆرسی ئایدیایی ئەو سێ كەسەن هیچ شاراوە نییە كە ئامانج و مەبەستی كۆتایی ئەوانە چییە بەڵام سەرنجەكە لەوەدایە كە ڕەجەب تەیب ئەردغانێك كە ئەو هەموو هات و هەرایە ناوەتەوە و خەڵك تاوانبار دەكات بە نادیموكراتیك بوون و خۆی كردووتە پەیامهێنەری ئازادی و ئاشتەوایی، ڕێك پێچەوانەی فكر و هزر و جیهانبینیەتی و ستراتیژی گەیشتن بە ئامانجەكانی بە هەمان شێوەیە كە پێشتر باسم كرد گەرچی جیاواز لە ئەو دوو كەسەی تریانە بەڵام ئامانج و مەبەستی كۆتایی لە گەڵ ئەوانی تردا هەر هەمان شتە كە هاوبەشە لە نێوانیاندا، پەڵپ گرتن لە ئازادی و هەڵكوتانە سەر ئاشتەوایی و سەراوبن كردنی پێناسەكانی ئازادی و پێكەوە بوون و خۆ ئاڵاندن بە كورسی دەسەڵات وەك جلە شڕە و بێبەش كردنی ئەوانی تر لە حوكم و دەسەڵاتە . ئەو وێنەیە ڕاستیەكی شاراوەمان بۆ دەر دەخات كە ڕەجەب تەیب ئەردۆغان گەر دەسەڵاتەكەی بكەوێتە مەترسیەوە هەنگاوی توندئاژۆیی دەهاوێژێت و پەنا دەباتە پەلاماری سەربازی و چەك دەبێتە كەرەستەی چنگ كوتانە سەر كورسی دەسەڵات و ووتاری تەنیا لە لولەی تفەنگەوە ئاراستە دەكرێت هەروەك چۆن گوڵبەدین حكمەتیاری هاوڕێ و هاوفیكری وڵاتێكی بەرەو وێرانەو هەڵدێر بردووە بۆ ماوەی زیاتر 35 ساڵ بە هەمان شێوە گەر ڕەجەب تەیب ئەردوغانیش مەرتسی بكەوێتە سەر دەسەڵاتی و پێگەی سیاسی بكەوێتە مەترسی و سەرەوڵێژبوونەوە بە دڵنیاییەوە هەمان گۆڵبەدین حكمەتیاری ئەفغانستانە كە تەنیا چەك و تفەنگ دەناسێت و مەترسیەكەیش لەوە دایە كە ڕەجەب تەیب ئەردۆغان دەسەڵاتدارێكە كە توانای جوڵاندنی هێزی سەربزی وڵاتێكی وەك توركیای هەیە بەڵام كەسێكی وەك گوڵبەدین حكمەتیار ئەو هێز و دەسەڵاتەی نییە، گوڵبەدین حكمەتیار چەندە مەترسی بۆ ژیانی ئاشتەوایی و ئازادی لە ئەفغانستان درووست كردووە ئەردۆغان زیاتر لە ئەو توانای هەیە كە ئاشتەوایی و ئازادی بخاتە مەترسیەوە.
ئێستا ئەو ڕەوشەی كە لە توركیا و تایبەت باكووری كوردستان لە ئارادایە و پرۆسەی ئاشتی لە باكووری كوردستان لە هەل برا دەگەڕێتەوە بۆ دۆڕانی ڕەجەب تەیب ئەردۆغان لە هەڵبژاردنەكان و كەوتنە مەترسی دەسەڵاتەكەی كە ناتەوانێت قورخی دەسەڵات بكات و ناشتوانێت مل بۆ دیموكراسی و ئازادی بدات هەر بۆیە دەبینین كە پەڵپ گرتن لە هەدەپە و كورد و بیانو كردنی پەكەكە و چەكی پەكەكە بووتە قسەی سەر زاری و بۆ مانەوەی خۆی هەموو ئەو پرۆسەیەی تێكدا كە دەكرا سۆنگەیەك بێت بۆ ئاشتەوایی گەلانی ناوچەكە و مێژوویەك لە خوێن و ئاگر كۆتایی پێ بێت. 



بۆچوونه‌کان
بۆچوون بنووسه‌

ناو:  

ئیمه‌یل:  

تێکستی کۆمێنته‌که‌ت  
ژماره 58
بڵاوکراوه‌یه‌کی سیاسی گشتییه، ئۆرگانی ڕاگه‌یاندنی یه‌کێتی دیموکراتی کوردستان ده‌ریده‌کات‌
01 02 03 04 05 06 07 08
ووتاری کوردی
لە موکریانەوە بۆ زەهاو , نەتەوەیەکی زیندوو
زەویلەرزەیەک بۆ ڕووت دەرکەوتن
مافی کۆپی کردن پارێزراوه‌ بۆ سایتی یه‌کێتی دیموکراتی کوردستان 2009 ده‌سپێک l هه‌واڵ l بۆنه‌ و ڕێوڕه‌سم l کۆمیته‌کان l خه‌باتی ئاشتیخوازانه‌ l ئه‌رشیف l ڤیدیۆ l په‌یوه‌ندی