ده‌سپێک l مقالات l هه‌واڵ l به‌یاننامه‌ و ڕاگه‌یاندن l سکرتێری گشتی l چاوپێکه‌وتن و وتووێژ l چاند و هونه‌ر l به‌رنامه‌ و په‌یڕه‌و l برنامه‌ و اساسنامه
ووتاری کوردی
ئەحمەدی نەژاد ڕاستییەكەی خۆێندبووە
زەردەشت سەلاسی
21 / 6 / 2015
فرەیەكمان ئەو ڕاستییە دەزانین كە سیاسەت و سەرمایە و هێز پێكەوە گرێیان خواردووە و ئەوەی كە هێزی هەبێت ئەتوانێت سەرمایە كۆكاتەوە و لە هەمان كاتیشدا دەتوانێت تێكەڵ بە سیاسەتیش بێت و سیاسەتیش بكات و یان ئەوەی كە كەس و لایەنێك كە سەرمایەی هەبێت ئەتوانێت بچێتە نێو سیاسەت و هێز كۆ كاتەوە و ببێت بە هێز و قسەی خۆی هەبێت كە چ جۆرە دەسەڵاتدارییەك دادەمەرزێنێت. مێژووی مرۆڤ و شارستانیەتە كۆنانەكان و زۆرینەی  سیستەمە سیاسەكانی ئەوڕۆییش، كەم یان زیاد بە هەر هەمان شێوە هێزیان كۆ كردووەتەوە و سەرمایە و مڵك و داراییان فراوان كردووەو توانیویانە قسەی خۆیان ببەنە سەر گا و جووتی خۆیان لە سەر ژیانی گشتی بكەن و بەرهەمیشی بۆ مێژوو بە جێ بهێڵن.
بەڵام شێوەیەكی تر لەو هاوكێشەیەدا هەیە كە كەس و لایەنگەلێك بوون كە بە چوونە نێو دنیای سیاسەت هەوڵی بەهێز بوون و سەرمایەدار بوونیان داوە  و توانیویشانە سەركەون و سیاسەتیش بكەن و لە هەمان كات دا بگەن بە ئامانجی خۆیان و سەرمایە و دارایی كۆكەنەوە و خۆیان بەهێز كەن ، ئەوە جیاواز لە بارە ئەخلاقیەكەی كە شتێكی نەشیاوە و بەدوورە لە بەها ئەخلاقیەكانی كۆمەڵگەی مرۆڤ بەڵام راستییەكە كە بوونی هەبووە و بووە و هەیە و دەشبێت بەڵام ئەوە لە چ جۆرە سیستەم و چ جۆرە كۆمەڵگەیەك و چ جۆرە كلتوورێكدا دەرفەتی ڕەخسانی بۆ دەبێت جێگای باسە و بۆ خۆیشمان دەزانین كە زۆرتر ئەو شێوە لە گەیشتن بە هێز و دارایی و سەرمایە كە لە ڕێگەی سیاسەتەوە دەكرێت لە كۆمەڵگەیەكی تووش بوو بە گەندەڵی و سەركوت و دزی و تاوانی دژە مرۆییەوە ئەنجام ئەگرێت و لە سیستەمی سیاسی نەخۆش بە گەندەڵی و دزی و تاقم و باند و باندبازی بوونی هەیە كە نموونەی ئاشكرا و زیندووەكەی كۆماری ئیسلامی ئێرانە. 
كۆماری ئیسلامی ئێران بە هۆی ئەوەی كە سیستەمێكی تاقانەی ئایدیۆلوژیكیە كە خۆی بە بەشخوراو و ستەملێكراو ناساندووە و هەموو كەس و هەموو لایەن و هەموو وڵاتانی تر بە دوژمن و نەیاری خۆی دێنێتە ئەژمار ، هەر بۆیە دەبینین كە مێژووی ئەم سیستەمە مێژوویەكی خۆ گرمۆڵە كەر و چز وەشێن و ئاژاواگێرییە و كاربەدەستانی ئەم سیستەمەش ئەو شێوەیە لە كرداری سیاسی سیستەمیان كردووە بە بیانوویەك بۆ دەست بردنە نێو دارایی گشتی وڵات و ئابووریەكی گەندەڵ بەرهەم بێنن كە بە بیانووی جوراوجۆری سەرخستنی پرۆژەكانی حكومەت بە دوور لە چاوی نەیاران و دوژمنانەوە لە هەوڵی ئەوە دا بن كە دارایی و سامانی گشتی هاووڵاتیانی ئێران بتەپێننە گیرفانی بێ بنی خۆیان.
نامەوێت زیاتر بچمە سەر ئەو ڕەهەندەی گەندەڵی لە سیستەمێكی وەك كۆماری ئیسلامی كە بە هۆی نەخۆش بوونی سیستەمی ئابووری هەندێك كەس بە پشتیوانی حكومەت خەریكی هەڵلووشاندنی سەرمایی و دارایی گشتی خەڵكن بەڵام لێرە ئەمەوێت ئەنگووست بۆ كەسێك ڕاكێشم كە ماوەی هەشت ساڵی ڕەبەق وەك سەرۆككۆماری ئێرانی ئیسلامی كاری كرد ئەویش كەسێك كە بنی زمان و سەری زمانی شەڕ كردن لە تەك گەندەڵی و گەندەڵكاران و كارتێڵە ئابووری و مافیا دەسڕۆیشتووە كانی نێو حكومەتە ئیسلامیەكەی ئێران بوو، مێژوویەكی ئەوندە دوور نییە كە كەسمان لە بیرمان نەما بێت كە ئەحمەدی نەژاد بە چ هات و هاوارێكەوە بۆ بن بڕ كردنی گەندەڵی و نەهێشتنی تاوانی ئابووری  و هێنانی پارەی فرۆشتنی نەوت و دارایی و سەرمایەی گشتی بۆ سەر سفرەی خەڵكی ئێران جڵەوی دەسەڵاتی كاربەڕێكەری و جێبەجێكاری لە ئەستۆ گرت بەڵام ڕوون بۆ گشتمان ڕوون بووە كە لە كاتی دەسەڵاتدارێتی ئەحمەدی نەژاد دا ، ئەو پیاوەی كە خۆی كردبووە پاڵەوانی بە گژداچوونەوەی گەندەڵی و گەندەڵكاران و بەڵێنی بڕینی دەستی دەستەشاراوەكانی پشتی سیاسەتی ئابووریە گەندەڵەكەی كۆماری ئیسلامی، زۆرترین گەندەڵی و بە فیڕۆدانی سامانی گشتی و زیاترین دەوڵەمەندبوونی كەسانی نێزیكی سەرۆككۆماری هەر لە كاتی دەسەڵاتدارێتی ئەودا ڕووی دا، ئەوە جگە لەوەی كە كۆی مێژووی كۆماری ئیسلامی ئاخێنراوە لە گەندەڵی و هەڵلووشاندنی سەرمایەی گشتی لە لایەن كاربەدەستان و كەس و باندە نێزیكەكانی كۆماری ئیسلامیەوە. 
دەبێ بپرسین و بیر لەوە بكەینەوە كە بۆچی ئەو پیاوە لە گەڵ تیمە كاری و كابینەییەكەی و وەزیر و نێزیكەكانی لە جیاتی ئەوەی ببن بە پاڵەوەانی دژایەتی گەندەڵی خۆیان بوون بە سەردار و سالاری گەندەڵی و بە هەزاران میلیار تمەن پووڵ و سامانی ئەو خەڵكە هەژارەی ئێرانیان هەڵلووشی؟  ئەبێ بپرسین و بیر لەوە بكەینەوە كە بۆچی وەزیرێك دوای تەواو بوونی ئەركی وەزارەتیەكەی ئەبێت بە خاوەنی زیارت لە دوو هەزار میلیار تمەن؟ لە كوێی هێناوە جگەلەوەی سروەت و سامانی گشتی نەبێت كە لەو سیستەمە دا بە مفت و ئاسان لە بەردەست كاربە دەستانی حكومی دایە و بە مەیلی خۆیان كایە بە سامانی گشتی ئەكەن و هەر بۆ خۆشیان چاودێری خۆیانن و سەرمایە و دارایی فراوانیش ئەتوانی كاریگەری لە سەر ڕای گشتی و ئاستی دەسەڵات دابنێت.
لێرە دەچمە سەر ئەوەی كە مەبەستمە و ئەوەش ئەوەیە كە ئەحمەدی نەژاد ئەو حەقیقەتەی خوێندبووە كە سەرمایە و دارایی كاریگەری لە سەر ڕای گشتی دادەنێت و ئاستی دەسەڵاتت بەرز دەكاتەوە بە هەمان شێوە كە كەسانێك وەك ڕەفسەنجانی كە پێش ئەو سەرۆككۆماری ئێران بوون ئەوا لە ڕێگەی سەرمایە و درووستكردنی سەرمایەدارانی بازنەی گرێدراوی خۆی توانیویەتی قسەیەكی بۆ وتن هەبێت لە سیستەمێكی وەك كۆماری ئیسلامی ئێراندا و لەو ڕێگەیەوە هەم هیچز بێت و هەمیش سیاسەت بكات و كاریگەری خۆیشی لە سەر هیزی گشتی و سیاسەتی گشتی وڵات دابنێت ، ئەوە ئەو ڕاستیەیە كە ئەحمەدی نەژاد و كەسانی نێو بازنەی دەسەڵاتی كابینەكەی پێی گەشتبوون كە سەرمایە قسەی یەكەم لە مانەوە لە نێو دنیای سیاسەت و سیاسەت كردن و دەسەڵاتی سیاسی لە حكومەتێكی گەندڵی وەك كۆماری ئیسلامی ئێراندا دەكات ، سیستەمێك كە لێپێچنەوەی لە گەندەڵكارانی پێشوو نەكردووە و سیستەمێكی نەخۆش بە دزی و گەندەڵیە كە سەرمایەیەكی فراوانی بەرهەم هاتوو لە فرۆشی نەوتی لە بەردەستدایە  و بۆ ئەوەش كە بتوانێت لە كورسی دەسەڵات بمێنێتەوە و لە دەسەڵاتی بەلزەت و تام خۆشی نێو سیاسەتی گەندەڵی و سەركوت و فریوداندا بمێنێتەوە پێویستی بە درووست كردنی چینێك سەرمایەداری نوێ و نێزك لە نێو بازنەی خۆیدا هەیە كە بتوانێ مانەوەی خۆی وەك ئەوانی تر هەتایی بكاتەوە.
بەڵی ئەحمەدی نەژاد ئەو ڕاستیەی خوێنبووە كە لە نێو ئەو سیستەمە نەخۆشانەدا بە دزی و گەندەڵی و بەدروشمی قوڕگ دڕێن ئەتوانی هەموو كات لە كورسی دەسەڵات نێزیك بیت هەر بۆیە بۆ ئەو مەبەستەش پێویست  بوو چینێك سەرمایەداری نوێ درووستبكات، بەڵام ئەوانەی كە وەك جلە شڕە پەل و پۆی خۆیان ئاڵاندووە بە سیستەمی ئیداری و ئابووری وڵاتی ئێراندا ئەو دەرفەتیان بە تازە پێ گەیشتوویەكی وەك ئەحمەدی نەژاد نەدا كە دەیەویست فرت و فێَڵ لە سەرمایەدارە پێشووترەكان و گەندەڵكار و دزەگەورەكانی پێشووتر لە خۆی بكات هەر بۆیە دەبینین كە چینی سەرمایەدارە تازە پێگەیشتووەكان كە وەزیر و جێگرەكانی كابینەكەی ئەحمەدی نژادن هەموویان یەكە یەكە و بەرەو زیندان ڕەوانە دەكرێن.
        



بۆچوونه‌کان
بۆچوون بنووسه‌

ناو:  

ئیمه‌یل:  

تێکستی کۆمێنته‌که‌ت  
ژماره 62
بڵاوکراوه‌یه‌کی سیاسی گشتییه، ئۆرگانی ڕاگه‌یاندنی یه‌کێتی دیموکراتی کوردستان ده‌ریده‌کات‌
01 02 03 04 05 06 07 08 09 10 11 12
ووتاری کوردی
بەیاننامەی سیانزەهەمین ساڵوەگەری دامەزراندنی یەکێتیی دیموکراتی کوردستان
هێژموونیی زمانی فارسی و هەوڵ بۆ سڕینەوەی زمان و شوناسی کوردی
مافی کۆپی کردن پارێزراوه‌ بۆ سایتی یه‌کێتی دیموکراتی کوردستان 2009 ده‌سپێک l هه‌واڵ l بۆنه‌ و ڕێوڕه‌سم l کۆمیته‌کان l خه‌باتی ئاشتیخوازانه‌ l ئه‌رشیف l ڤیدیۆ l په‌یوه‌ندی