ده‌سپێک l مقالات l هه‌واڵ l به‌یاننامه‌ و ڕاگه‌یاندن l سکرتێری گشتی l چاوپێکه‌وتن و وتووێژ l چاند و هونه‌ر l به‌رنامه‌ و په‌یڕه‌و l برنامه‌ و اساسنامه
ووتاری کوردی
قەبرەكەی خۆمەینی و كەلاوەكەی هەژاران
هاوار مۆدەبێر
5 / 6 / 2015
راستە كە لە ئەم چەند ڕۆژەی ڕابردوودا هەندێك وێنە لە قەبرەكەی خۆمەینی بڵاو كرایەوە كە بوو بە جێگەی سەرسووڕمانی زۆر كەس و ڕەخنەی زۆریشی لێگیرا بەڵام دەبێ ئەو ڕاستیە بزانین كە هەر لە یەكەم ساتەكانی مردنی خۆمەینی بڕی دوو میلیار دۆلار پارە و بوودجە بۆ درووستكردنی قەبرەكەی تەرخان كرا كە بە بەراورد لە گەڵ بەهای دۆلار و تمەنی ئێرانی لەو زەمانەدا گەلێك پارە و پووڵێكی فراوان بووە و هەر ئەو كاتیش وڵاتی ئێران بەهۆی شەڕی ئێران و عێراقەوە لە قەیرانی قووڵی جۆراوجۆردا بوو كە تازە ئەو شەڕە تەواو ببوو و زۆرینەی ژێرخانی ئابووری وڵات تووشی كێشە و داڕمان ببوو و قورسایی شەڕەكەش زیارتر لە هەر چین و توێژێك لە سەر هەژاران و نەداران و كەمدەرامەتان و كرێكاری ئێران بوو و هەر ئەوان زیاتر سنگیان وەبەر گولەوە نرا و هەر ئەوانیش سكیان وەبەر بەتاڵ كردنی خەزێنەی وڵات كەوت كە درووست كردنی قەبرێك بۆ یەك كەس پارە و پووڵێكی زۆر و فراوانی لە گیرفانی گشتی ئێرانیەكان بە هەدەر دەدا و كەسیش نەیدەوێرا متەقی لێبێ و دەنگ هەڵبڕێ و قووڕەی سكی برسی منداڵی هەژاران و ئاوارەكانی وڵات بكاتە هاوار و بیدات بە گوێ دەسەڵاتداراندا چوونكوو كۆماری ئیسلامی ئێران و دەسەڵاتدارانی نەك بە كەرەستەی مرۆڤایەتی بەڵكوو بە كەرەستەی درووستكراوی مرۆڤی شەڕخواز و خنكێنەر واتە دار و بەند و گوشتن و بڕین و هەڕەشە قسەیان دەكرد.
ئیستاش هەر وەك ئەو كات سوپای پاسدارن بە زمانی هەڕەشە هاتووەتە گۆ و وتوویەتی نابێت كەس باس لە درووست كردنی كۆشكی مردووەكە بكات و كەسیش ئیتر بۆی نییە ڕەخنە بگرێت ، دیارە كە خەڵكی ئێران تێدەگەن كە چ بە فیڕۆدانێك هەیە لە سەرمایە و سروەتی وڵاتی ئێراندا و ئەوش كە بۆ قەبرەكەی خۆمەینی كراوە تەنیا تكەیەك لە دەریایەك بە فیڕۆدانی سەرمایەی گشتی وڵاتی ئێرانە كە هەر لە گەندەڵی بەرپرسان و كاربەدەستان و سەرمایەدارانی سەر بە دەسەڵاتەوە بگرە تا یارمەتی دانی ژێر بەژێر بە هێزە هاوپەیمان و شەڕخوازەكانی خۆی لە ناوچەكەدا بەشێكی كەم و دیاری ئەو بە هەدەر دان و بەە فیڕۆ دانی سروەت و سامانی گشتیە كە ئاكامەكەی فشاری زیاترە لە سەر باردۆخی ژیانی خەڵك و هەرژارتر بوونی خەڵك.
درووست كردنی قەبرێك كە زیاتر لە هەر كۆشك و تەلارێك لە هەموو جیهاندا و زیاتر لە هەر كەنێسە و مزگەوت و خانقا و بوتخانەیەك بە جوانترین شێوە و بە زێڕ و زیو و بەردی گرانبەها ڕازێنراوەتەوە وەك هێمایەكە بۆ دەسەڵاتێكی گەندەڵ و خەڵكی هەژار خنكێن كە لەو وڵاتە دەوڵەمەندەدا تەنیا بەشی هەژاران كەلاوەیە و دەبێ بە تەنەكە و گڵ و پەڕۆ بینا بكرێت و لە بەرچاویش نەگیردرێت.    



بۆچوونه‌کان
بۆچوون بنووسه‌

ناو:  

ئیمه‌یل:  

تێکستی کۆمێنته‌که‌ت  
ژماره 62
بڵاوکراوه‌یه‌کی سیاسی گشتییه، ئۆرگانی ڕاگه‌یاندنی یه‌کێتی دیموکراتی کوردستان ده‌ریده‌کات‌
01 02 03 04 05 06 07 08 09 10 11 12
ووتاری کوردی
بەیاننامەی سیانزەهەمین ساڵوەگەری دامەزراندنی یەکێتیی دیموکراتی کوردستان
هێژموونیی زمانی فارسی و هەوڵ بۆ سڕینەوەی زمان و شوناسی کوردی
مافی کۆپی کردن پارێزراوه‌ بۆ سایتی یه‌کێتی دیموکراتی کوردستان 2009 ده‌سپێک l هه‌واڵ l بۆنه‌ و ڕێوڕه‌سم l کۆمیته‌کان l خه‌باتی ئاشتیخوازانه‌ l ئه‌رشیف l ڤیدیۆ l په‌یوه‌ندی