ده‌سپێک l مقالات l هه‌واڵ l به‌یاننامه‌ و ڕاگه‌یاندن l سکرتێری گشتی l چاوپێکه‌وتن و وتووێژ l چاند و هونه‌ر l به‌رنامه‌ و په‌یڕه‌و l برنامه‌ و اساسنامه
چاو پێکه‌وتن و وتووێژ
محه‌مه‌د خوشچێهره‌ : پێموانییه‌ له‌ ئێستادا كۆنفرانسی نه‌ته‌وه‌یی ببه‌سرێت
سازدانی دیمانه‌: هاوار موده‌بێر
9 / 6 / 2011
■  بۆچی مه‌یلی شه‌ڕخوازی له‌ ئێستادا هه‌ندێ لایه‌ن ده‌یورووژێنن، پێتانوایه‌ هۆی ئه‌مه‌ چییه‌ و چاوه‌ڕێی چ ئه‌نجامێكی لێ ده‌كرێ؟
محه‌مه‌د خوشچێهره‌: ئه‌و گوتار و هه‌ڵوێستانه‌ چه‌ند هۆكاری هه‌یه‌ كه‌ ده‌كرێ به‌ وردی باس بكرێ و لێی بكۆڵیته‌وه‌، به‌لای منه‌وه‌ یه‌كێ له‌ هۆكانی ورووژاندنی ئه‌و مه‌یله‌ شه‌ڕخوازییه‌ له‌ وته‌ و پراتیكدا. به‌ده‌ستهێنانی مه‌شروعییه‌ت و ده‌نگوناوی حیزبی بووه‌ كه‌ له‌ دوای ئینشیعابه‌كان له‌ حیزبه‌كاندا ڕوویدا و باسی ده‌سپێكردنی شه‌ڕی چه‌كداری كرا تا وه‌ك هۆكارێكی جیابوونه‌وه‌كان ناوی لێ بنرێت و باس له‌وه‌ بكرێ كه‌ ئه‌وان قائل به‌وه‌ نه‌بوون كه‌ له‌ ئۆردوگاكاندا په‌سیڤ بمێننه‌وه‌.
به‌ بڕوای زۆر چاودێر و بڕوای منیش هۆیه‌كی دیكه‌ ئه‌وه‌یه‌ ئه‌گه‌ر قه‌یرانێكی ناوخۆیی هه‌یه‌ به‌م شێوازه‌ لێی بپه‌ڕنه‌وه‌ یان له‌ قه‌یرانی به‌ڕێوه‌به‌رایه‌تی دان و بۆ ئه‌م مه‌به‌سته‌ش ورووژاندنی ئه‌م گوتاره‌ ده‌توانێ تا ڕاده‌یه‌ك تائسیری له‌ سه‌ر ڕه‌وشی ناوخۆیی ئه‌و حیزبه‌وه‌ هه‌بێ كه‌ ده‌ورووژێنێت.
هۆكارێكی دیكه‌ش كه‌ به‌لای منه‌وه‌ گرینگه‌ نه‌بوونی هه‌ست به‌ به‌رپرسیارێتییه
 ورووژاندنی چه‌مكی شه‌ڕخوازی, به‌رژه‌وه‌ندیی كورد وه‌ك نه‌ته‌وه‌یه‌ك ئه‌خاته‌ مه‌ترسییه‌وه‌ و گوشاری زۆرتری ئه‌خاته‌ سه‌ر، به‌لای منه‌وه‌ ئه‌مه‌ هه‌ست نه‌كردنه‌ به‌ به‌رپرسیارێتی به‌رامبه‌ر به‌رژه‌وه‌ندییه‌ گشتییه‌كانی نه‌ته‌وه‌كه‌مان
‌ كه‌ لایه‌نگرانی ئه‌م مه‌یله‌ و بكه‌رانی, دۆخی كۆمه‌ڵگه‌ی كوردستان به‌نیسبه‌ت كرداره‌كانیان به‌ گرنگ چاو لێ ناكه‌ن. باری گوزه‌رانی خه‌ڵك، گه‌شه‌كردنی كۆمه‌ڵگه‌ی مه‌ده‌نی و ئه‌سله‌ن جێگیربوونی فه‌رهه‌نگی خه‌باتی مه‌ده‌نی و به‌گشتی به‌رژه‌وه‌ندیی نه‌ته‌وه‌یی ڕه‌چاو ناكرێ.
جیا له‌مه‌ش ڕه‌هه‌ندێكی دیكه‌ی بابه‌ته‌كه‌ ئه‌مه‌یه‌ كورد به‌گشتی له‌ پارچه‌كانی تر به‌ره‌و گه‌یشتن به‌ ئامانجه‌كانی نزیك ئه‌بێته‌وه‌ ته‌نانه‌ت ئه‌گه‌ر به‌ته‌واوه‌تیش نه‌بێ به‌ڵام ئاشكرایه‌ به‌رژه‌وه‌ندیی پارچه‌كانی كوردستان پێكه‌وه‌ به‌ستراون، هه‌ر بۆیه‌ ورووژاندنی چه‌مكی شه‌ڕخوازی, به‌رژه‌وه‌ندیی كورد وه‌ك نه‌ته‌وه‌یه‌ك ئه‌خاته‌ مه‌ترسییه‌وه‌ و گوشاری زۆرتری ئه‌خاته‌ سه‌ر، به‌لای منه‌وه‌ ئه‌مه‌ هه‌ست نه‌كردنه‌ به‌ به‌رپرسیارێتی به‌رامبه‌ر به‌رژه‌وه‌ندییه‌ گشتییه‌كانی نه‌ته‌وه‌كه‌مان.
یه‌كێكی تر له‌ هۆیه‌كان دوژمنانی كوردن، به‌تایبه‌ت ئێران هه‌میشه‌ ئه‌م مه‌یله‌ شه‌ڕخوازییه‌ په‌ره‌ پێده‌دات ئه‌ویش له‌ لایه‌ن ئه‌و ڕانتانه‌ی له‌ نێو حوكوومه‌تدان، پێشتر ئه‌وه‌م به‌ نووسین بڵاوكردۆته‌وه‌ كه‌ ڕانتی شه‌ڕ هه‌یه‌ له‌ نێو حوكوومه‌تی كۆماری ئیسلامیی ئێراندا و توانیویه‌تی خۆیان بكێشنه‌ ناو هه‌ندێك لایه‌ن و بۆ به‌رژه‌وه‌ندیی ماددی و ئیستیفاده‌ی ئابووری ئه‌م مه‌یله‌ له‌ ناو حیزبه‌كاندا په‌ره‌ پێ بده‌ن و به‌ره‌و شه‌ڕی چه‌كدارییان ڕابكێشن و له‌م بێنه‌ و به‌ره‌یه‌شدا ته‌نیا خه‌ڵكی كوردستان زه‌ره‌ر ده‌كات و قازانجی بو دوژمنانی كورده‌. ئه‌وه‌ش بڵێم بۆ ده‌ركه‌وتنی ده‌سكه‌وته‌كانی شه‌ڕی چه‌كداری پێویسته‌ كورد چاوخشانێك به‌ مێژووی ئه‌و جۆره‌ چالاكییانه‌ی بخشێنێت و بزانێ ئایا به‌ڕاستی قازانجی به‌ده‌ست هێناوه‌ یا ماڵوێرانی؟
له‌ بیر نه‌كه‌ین ڕاسته‌ خه‌باتی ئێمه‌ بۆ چه‌سپاندنی ئامانجه‌ نه‌ته‌وه‌ییه‌كانمانه‌ و ئه‌مانه‌وێ وشیاری ببه‌خشینه‌ هه‌موو بوارێكی ژیانمان به‌ڵام، كۆمه‌ڵگه‌ی كوردی ئه‌مڕۆكانه‌ تا ڕاده‌یه‌ك ئه‌و وشیارییه‌ی به‌ده‌ست هێناوه‌ و له‌ هه‌ڵوێستیان به‌رامبه‌ر ڕووداوه‌كان و ئاستی چالاكییه‌ مه‌ده‌نی و فه‌رهه‌نگییه‌كانیاندا زه‌ق و به‌رچاوه‌.
 
■  جیهان شایه‌تی ئه‌وه‌یه‌ دیارده‌ی خه‌باتی مه‌ده‌نی و ناتوندوتیژی شارومه‌ندان كۆڵه‌كه‌ی ده‌سه‌ڵاتی دیكتاتۆره‌كانی له‌ ڕێشه‌ ده‌رهێنا, ئایا پێتانوایه‌ وه‌ك چۆن خۆتان بانگه‌شه‌ی بۆ ده‌كه‌ن به‌ردنه‌سه‌ری ئاستی وشیاریی گشتیی ده‌توانێ ئه‌و ئامانجه‌ بپێكێ یا خه‌بات و ڕێكاری توندوتیژ و هاوشێوه‌كانی؟
محه‌مه‌د خوشچێهره‌: ئه‌م سه‌رده‌مه‌ كه‌ تێیداین سه‌رده‌مێكی نوێیه‌، پێشتر و له‌ سه‌ده‌ی بیسته‌مدا خه‌باتی چه‌كداری توانیویه‌تی گۆڕانكاریی له‌ ده‌سه‌ڵاتی سیاسیی وڵاتێكدا دروس
 ڕووداوه‌كانی ئه‌مساڵی خۆرهه‌ڵاتی ناوین سه‌لماندنی دیكتاتۆره‌كان به‌رامبه‌ر خه‌باتی ناتوندوتیژ چه‌نده‌ لاواز و له‌رزۆكن، چوونكه‌ تۆ چه‌نده‌ به‌رامبه‌ر ده‌سه‌ڵاتی دیكتاتۆر توندوتیژیی بنوێنێ ئه‌و زیاتر له‌ تۆ و به‌هێزی زۆرتره‌وه‌ توندوتیژیت به‌رامبه‌ر ئه‌نوێنێ و بێ به‌زه‌ییانه‌ مامڵه‌ت له‌گه‌ڵ ئه‌كات
ت بكات و ڕزگاركه‌ری چه‌ندین نه‌ته‌وه‌ی بن ده‌ست بووه‌ به‌ڵام، تایبه‌تمه‌ندیی ئه‌م سه‌رده‌مه‌ جیاوازه‌ و خه‌باتی مه‌ده‌نیانه‌ و ئاشتیخوازانه‌ی ئه‌وێ كه‌ پشتیوانی نێوده‌وڵه‌تیی لێ ده‌كرێت و كاریگه‌رتره‌ به‌رامبه‌ر ده‌سه‌ڵاته‌ دیكتاتۆر و داپڵۆسێنه‌ره‌كان. به‌ چاوی خۆمان ڕووداوه‌كانی ئه‌م دواییه‌ی خۆرهه‌ڵاتی ناوینمان بینی و ئه‌مه‌ش ئه‌و ڕاستییه‌مان بۆ ئه‌سه‌لمێنێ كه‌ گه‌وره‌ دیكتاتۆره‌كانی ناوچه‌كه‌ تا چه‌نده‌ لاواز و له‌رۆزكن به‌رامبه‌ر چالاكی  و خه‌باتی ناتوندوتیژ. چوونكه‌ تۆ چه‌نده‌ به‌رامبه‌ر ده‌سه‌ڵاتی دیكتاتۆر توندوتیژی بنوێنێ ئه‌و زیاتر له‌ تۆ و به‌هێزی زۆرتره‌وه‌ توندوتیژیت به‌رامبه‌ر ئه‌نوێنێ و بێ به‌زه‌ییانه‌ مامڵه‌ت له‌گه‌ڵ ئه‌كات. له‌ بیرمان بێ ئێستا له‌ ئاست دنیادا بیری گشتی لایه‌نگری خه‌باتی ئاشتیخوازانه‌یه‌ چوونكه‌ گیان و نرخی مرۆڤ ئه‌پارێزێت.
 
■  به‌ بڕوای ئێوه‌ ئایا ده‌كرێ سه‌رجه‌م حیزبه‌كان به‌نیسبه‌ت جۆری خه‌بات یه‌ك هه‌ڵوێست بن، ئه‌ی ئه‌گه‌ر مه‌یلی ئۆپۆزیسیۆن به‌گشتی شه‌ڕی چه‌كداری بێ یا ناتوندوتیژ و ئاشتیخوازانه‌ و له‌ هه‌ر حاڵه‌تێكیاندا حیزب یا حیزبانێك هه‌بن له‌گه‌ڵ ئه‌و هه‌ڵوێسته‌دا نه‌بن چاره‌ چییه‌؟
محه‌مه‌د خوشچێهره‌: ئه‌وه‌ی ئه‌مڕۆكانه‌ له‌ ئه‌مری واقیعدا ده‌یبینین په‌رته‌وازه‌یی حیزبه‌كان و باوه‌ڕی جیاوازیان به‌ جۆره‌كانی خه‌باته‌، ئه‌وه‌ش كه‌ ڕاستی بێ ئه‌و لایه‌نانه‌ی باوه‌ڕیان به‌ خه‌باتی چه‌كدارییه‌ له‌ ئاستی نێوده‌وڵه‌تیدا و له‌ ڕوانگه‌ی گشتیی كۆمه‌ڵگه‌ی مرۆڤایه‌تیدا جۆره‌ خه‌باتێكی مه‌نفی ئه‌كه‌ن و ده‌بێته‌ هۆی لاوازبوونی پێگه‌ی كۆمه‌ڵایه‌تی و هه‌روه‌ها لاوازیی پێوه‌ندییه‌كان له‌گه‌ڵ وڵاتان و كۆمه‌ڵگه‌ی نێونه‌ته‌وه‌یی.
 
■   كه‌واته‌ جیاوازیی له‌ جۆری خه‌بات جۆرێكه‌ له‌ دووربوونه‌وه‌ له‌ یه‌كتر، بۆیه‌ پێمان خۆشه‌ له‌ زمانی ئێوه‌وه‌ بیبیسین ئایا شه‌ڕی به‌رهه‌ستی حیزبه‌كان له‌سه‌ر چییه‌؟ به‌ڕاستی بۆ ڕوو ده‌دات؟
محه‌مه‌د خوشچێهره‌: سه‌ره‌تا ئه‌وه‌ بڵێم كه‌ ئه‌گه‌ر به‌رژه‌وه‌ندیی حیزبی پێش هه‌موو به‌رژه‌وه‌ندییه‌ باڵاكانی نه‌ته‌وه‌كه‌مان بێ ده‌بێته‌ هۆی دروستبوونی ئه‌م دۆخه‌ كه‌ پرسیاری ئێوه‌شه‌، ئه‌م كێشه‌ و گرژییانه‌ له‌وانه‌یه‌ بۆ لێژكردنی پێگه‌ی حیزبی به‌رامبه‌ر به‌كار بێت. بۆیه‌ ئه‌م جۆره‌ كردار و هه‌ڵسوكه‌وتانه‌ ئه‌گه‌ڕێته‌وه‌ بۆ به‌رته‌سكبوونی هزری دیموكراتیكانه‌ی تاكه‌كانی خاوه‌ن كارتێكه‌ری له‌ ناو حیزبه‌كاندا كه‌ باوه‌ڕیان به‌ فره‌ڕه‌نگی و فره‌چه‌شنی نییه‌ و ناتوانن بیر و هزری جیاواز و لایه‌نی سیاسیی جیاواز له‌ خۆیان قه‌بووڵ بكه‌ن، ئه‌مه‌ له‌ خۆیدا بۆ دواڕۆژ دیكتاتۆرییه‌ت و سیستمێكی داپڵۆسێنه‌ری بۆ كۆمه‌ڵگه‌ پێیه‌ و مه‌ترسیداره‌. دووهه‌م شت ئه‌وه‌یه‌ شه‌ڕ له‌ مێژووی كۆنی حیزبه‌كاندا هه‌بووه‌ كه‌ به‌داخه‌وه‌ هێشتاش ئاسه‌واری له‌ زه‌یینی تاكه‌كانی نێو حیزبه‌كان ماوه‌ته‌وه‌، به‌شێك له‌م شه‌ڕانه‌ شه‌ڕی مێژووه‌.
 
■   كورد ئه‌بێ له‌ ئێستادا چی بكات، پرۆژه‌ چییه‌؟
محه‌مه‌د خوشچێهره‌: كاتێك ئه‌توانین بڵێین كه‌ كورد ئێستا ئه‌بێ چی بكات ئه‌و كاته‌یه‌ هه‌موو لایه‌نه‌ كوردییه‌كان پێكه‌وه‌ كۆ ببنه‌وه‌ و بگه‌نه‌ لێك تێگه‌یشتن و لانیكه‌م هاوكارییه‌كی نێزیك له‌ نێوانیاندا دروست ببێ و ئه‌و كاته‌یه‌ ئه‌توانین باس له‌ پرۆژه‌ و شێوازی كاركردن بكه‌ین.
 
■  ده‌نگۆی به‌ستنی كۆنفرانسی نه‌ته‌وه‌یی له‌ لایه‌ن به‌ڕێز مه‌سعود بارزانی سه‌رۆكی هه‌رێمی كوردستان له‌ مانگی یازده‌ ئه‌مساڵدا هه‌یه‌، ئامانجی ئه‌و كۆنفرانسه‌ چییه‌ و ئایا به‌ستنی پێویسته‌؟ به‌ ڕه‌چاوكردنی ئه‌وه‌ش كه‌ حیزبه‌كانی هه‌موو پارچه‌كانی كوردستان پارته‌وازه‌ن ئایا ئه‌مه‌ دێته‌ دی؟
محه‌مه‌د خوشچێهره‌: به‌لێ به‌ستنی وه‌ها كۆنفرانسێك له‌ ئاست هه‌ر چوارپارچه‌ی كوردستاندا پێویسته‌ و پێویستییه‌كی مێژوویشه‌ بۆ ئاڵوگۆِكردنی بیر و بۆچوون سیاسی لایه‌نه‌ جۆراوجۆره‌كانی نێو گۆڕه‌پانی سیاسه‌ت له‌ هه‌ر چوارپارچه‌كه‌دا. به‌ستی وه‌ها كۆنفرانسێك كورد له‌ هه‌ر چوارپارچه‌ی كوردستان وه‌ك یه‌ك نه‌ته‌وه‌ ئه‌ناسێنێته‌ جیهان و توانایی ئه‌وه‌ی ئه‌بێت له‌ ئاست نێونه‌ته‌وه‌ییدا
 ده‌سه‌ڵاتی به‌عسی سووریا له‌ ڕووی موعادیلاتی سیاسی له‌ ناوچه‌كه‌دا ده‌وری هه‌یه‌ و كاریگه‌ریی زۆری هه‌یه‌ له‌ هژموونیكردنی ده‌سه‌ڵاتی ئێران له‌ ناوچه‌كه‌شدا
كێشه‌ی كورد و پرسی چاره‌سه‌ركردنی دۆزی نه‌ته‌وه‌یی كورد بخاته‌ ڕۆژه‌ڤی لایه‌نه‌ په‌یوه‌ندیداره‌كان و كاریگه‌ریی بخاته‌ سه‌ر ده‌سه‌ڵاتدارانی سیاسی له‌ ناوچه‌كه‌ و هه‌روه‌ها بیری گشتیی جیهان. ئه‌مه‌ وه‌ك پێویستی و ئامانجی كۆنفرانسه‌كه‌ ده‌بێت به‌ڵام ئایا له‌م دۆخه‌دا ده‌به‌سرێت ده‌بێ بڵێم ئه‌م بابه‌ته‌یان ئه‌گه‌ڕێته‌وه‌ بۆ هاوهه‌ڵوێستبوون و هاوپرۆژه‌یی لایه‌نه‌ سیاسییه‌كانی كورد له‌ هه‌ر چوارپارچه‌. وه‌ك ئاگه‌دار بن لایه‌نه‌ سیاسییه‌كانی هه‌ر پارچه‌یه‌ك له‌ یه‌كتر دوورن و تا ڕاده‌یه‌كیش دژایه‌تی و لێك تێنه‌گه‌یشتنیش هه‌یه‌ یا له‌وانه‌شه‌ نایانه‌وێ له‌ یه‌كتر تێبگه‌ن. بۆیه‌ به‌پێی ڕاگه‌یه‌نراوی كۆمیته‌ی ئاماده‌كاریی بۆ كۆنفرانسه‌كه‌ هه‌ر پارچه‌یه‌ك سێ نوێنه‌ری هه‌ڵبژێردراوی ئه‌وێ و به‌پێی ئه‌م په‌رته‌وازه‌یی و یه‌كتر قه‌بووڵنه‌كردنه‌ چۆن ئه‌كرێ سێ نوێنه‌ر هه‌ڵبژێردرێت له‌ كاتێكدا هه‌ر لایه‌نێك ئه‌یه‌وێ بۆی خۆی نوێنه‌رایه‌تی پارچه‌كه‌ی خۆی بكات. به‌ بڕوای من ئه‌م كۆنفرانسه‌ له‌ ساڵی 2011دا نابه‌سرێت و ئه‌گه‌ری به‌ستنی كۆنفرانسی له‌و جۆره‌ به‌دوور ئه‌زانم. به‌داخه‌وه‌ ئه‌مری واقیع له‌ پارچه‌كانی كوردستان ڕێگره‌.
 
■   به‌ وته‌ی ئێوه‌ تا حیزبه‌كانی خۆرهه‌ڵاتی كوردستان كۆ نه‌بنه‌وه‌ شتێ به‌ ناوی پرۆژه‌ بوونی نییه‌، ئه‌ی ئه‌گه‌ر كۆنه‌بنه‌وه‌ و په‌رته‌وازه‌ بمێننه‌وه‌ چی؟
محه‌مه‌د خوشچێهره‌: كاتێك ئێمه‌ ئه‌توانین ده‌نگی خۆمان بگه‌یه‌نینه‌ كۆمه‌ڵگه‌ی نێونه‌ته‌وه‌یی و پشتیوانیی ڕێكخراوه‌ جیهانییه‌كانی وه‌رگرین و سه‌رنجیان بۆ لای خۆمان ڕاكێشین كه‌ یه‌كده‌نگی له‌ یه‌ك هه‌ڵوێستیدا هه‌بێ، به‌ڵام به‌داخه‌وه‌ تا ئێستا ئه‌وه‌ دروست نه‌بووه‌ هه‌ر وه‌ك چۆن له‌ باسی به‌ستنی كۆنفرانسه‌كه‌شدا ئاماژه‌م پێدا. بۆیه‌ ئه‌گه‌ر له‌ داهاتووشدا ڕه‌وشه‌كه‌ به‌م شێوه‌یه‌ بێ چاوه‌ڕوانی هیچ جۆره‌ پێشكه‌وتنێك له‌ خه‌باتی سیاسیی خۆرهه‌ڵاتی كوردستاندا نابین و ئه‌گه‌ری خراپتر له‌ بۆسه‌دایه‌، ئه‌گه‌ر یه‌كده‌نگی نه‌یه‌ته‌ كایه‌وه‌ به‌دڵنیاییه‌وه‌ گه‌لی كورد و لایه‌نه‌كانیش زه‌ره‌ر ده‌كه‌ن.
 
■  با سه‌رنجێكی ناوچه‌كه‌ش بده‌ین، وه‌ك ده‌بینین به‌هاری وڵاتانی عه‌ره‌بی و ئه‌وه‌ی سووریای گرتۆته‌وه‌ له‌ ئارادان، ڕووخانی ده‌سه‌ڵاتی به‌عسی سووریا چ كاریگه‌رییه‌كی له‌سه‌ر كۆماری ئیسلامیی ئێران هه‌یه‌، به‌پێچه‌وانه‌شه‌وه‌ ئه‌گه‌ر نه‌ڕووخێ چی؟
محه‌مه‌د خوشچێهره‌: ده‌سه‌ڵاتی به‌عسی سووریا له‌ ڕووی موعادیلاتی سیاسی له‌ ناوچه‌كه‌دا ده‌وری هه‌یه‌ و كاریگه‌ریی زۆری هه‌یه‌ له‌ هژموونیكردنی ده‌سه‌ڵاتی ئێران له‌ ناوچه‌كه‌شدا، هه‌روه‌ها په‌یوه‌ندییه‌كی ستراتژیكی له‌ نێوان ئێران و ئه‌م ده‌سه‌ڵاته‌دا هه‌یه‌. به‌عسی سووریا پردی په‌یوه‌ندیی نێوان ئێران و حیزبۆڵڵای لوبنانه‌ و ئێران به‌هۆی هه‌بوونی به‌عس له‌ سووریا خاوه‌ن بڕیاره‌ له‌ ناوچه‌كه‌دا، بۆیه‌ په‌یوه‌ندیی ستراتژیكیی ناوبه‌ریان هۆكارێكی گرینگی ملهوڕی و چاونه‌ترسیی ئێرانه‌، له‌ ئه‌گه‌ری ڕووخانی به‌عس له‌ سووریا هژمونی كۆماری ئیسلامیی ئێران له‌ ناوچه‌كه‌ ئیفلیج ئه‌بێ و كاریگه‌رییه‌كانی له‌ هه‌مووی ناوچه‌كه‌ دیار ئه‌كه‌وێت و ئاراسته‌ی موعادیلاتی سیاسیی ناوچه‌كه‌ش ده‌گۆڕێ و له‌ هێزی حیزبۆڵڵا و ئێرانیش داده‌به‌زێت. ئه‌گه‌ریش نه‌ڕووخێ حیزبۆڵڵا چاونه‌ترستر و ئێران ملهوڕتر ده‌بێت.
 
■   ئه‌و شۆڕشانه‌ی له‌ وڵاتانی عه‌ره‌بی ڕوویاندا و ڕووده‌ده‌ن ئایا چ جۆره‌ شۆڕشێكن، ئیسلامین یا پێناسه‌ی دیكه‌یان هه‌یه‌؟
محه‌مه‌د خوشچێهره‌: پێموایه‌ ئێستا ناكرێ پێناسه‌ی بكه‌ین كه‌ ئایا شۆڕشی ئیسلامین یا شۆڕشێكی لیبرالانه‌یه‌ كه‌ دروشمی دیموكراسیخوازی و یه‌كسانیی كۆمه‌ڵایه‌تی به‌رز ده‌كاته‌وه‌.
چاوێك به‌ شێوازی شۆڕشه‌كاندا بخشێنین، دروشمی ئیسلامی له‌ كاتی شۆڕشه‌كاندا به‌رز كرایه‌وه‌ و به‌رده‌وام دووپات ئه‌بێته‌وه‌ یان ئه‌وه‌ی كه‌ ئه‌و لایه‌نه‌ ئیسلامییانه‌ به‌هۆی دیكتاتۆرییه‌تی وڵاته‌كه‌یان مه‌جالیان بۆ نه‌ڕه‌خساوه‌ خۆیان بگه‌یه‌ننه‌ ئاستی ده‌سه‌ڵات به‌ڵام له‌م شۆڕشه‌دا توانیان به‌هێزێكی فراوانه‌وه‌ خۆیان له‌ نێو شۆڕشدا نیشان بده‌ن وه‌ك ئه‌لنیهزه‌ی ڕاشد غه‌نووشی له‌ توونس و ئیخوان له‌ سووریا و میسر، به‌ڵام وه‌ك خۆیان ئاماژه‌یان پێداوه‌ نایانه‌وێ شۆڕشه‌كه‌یان شۆڕشێكی ئیسلامی له‌ چه‌شنی ئه‌وه‌ی له‌ ئێران ڕوویدابوو بێت، به‌ڵام ئه‌گه‌ر چاو له‌ دروشمه‌كانی ئه‌و بزوتنه‌وانه‌ بكه‌ین كه‌ شۆڕشه‌كانیان به‌ڕێخست دیاره‌ زۆر ئیسلامین، دروست وه‌ك ئه‌وه‌ی له‌ وڵاتی یه‌مه‌ن ڕووده‌دات. به‌گشتیش هێشتا زووه‌ پێناسه‌یه‌كی ئیسلامییان بۆ بكرێت یا ئه‌وه‌ی كه‌ به‌پێی هه‌ندێ دروشمی وه‌ك دیموكراسیخوازی پێناسه‌ی جیاوازتری بۆ بكه‌ین.


بۆچوونه‌کان
بۆچوون بنووسه‌

ناو:  

ئیمه‌یل:  

تێکستی کۆمێنته‌که‌ت  
ژماره 57
بڵاوکراوه‌یه‌کی سیاسی گشتییه، ئۆرگانی ڕاگه‌یاندنی یه‌کێتی دیموکراتی کوردستان ده‌ریده‌کات‌
01 02 03 04 05 06 07 08
چاو پێکه‌وتن و وتووێژ
ئه‌گه‌ر ده‌رفه‌تێك هه‌بێت له‌ناوخۆی ئێراندا بۆ خه‌باتی سیاسی ئێمه‌ یه‌كه‌م رێكخراو ده‌بین كه‌ ده‌گه‌ڕێینه‌وه‌.
موحسین باوه‌جانی: لایه‌نانێك هه‌ن یه‌كگرتوویی پارته‌ كوردییه‌كان لایان وه‌ك جامی ژه‌هره‌ هیوادارم نۆشی گیانیان بێت
مافی کۆپی کردن پارێزراوه‌ بۆ سایتی یه‌کێتی دیموکراتی کوردستان 2009 ده‌سپێک l هه‌واڵ l بۆنه‌ و ڕێوڕه‌سم l کۆمیته‌کان l خه‌باتی ئاشتیخوازانه‌ l ئه‌رشیف l ڤیدیۆ l په‌یوه‌ندی