ده‌سپێک l مقالات l هه‌واڵ l به‌یاننامه‌ و ڕاگه‌یاندن l سکرتێری گشتی l چاوپێکه‌وتن و وتووێژ l چاند و هونه‌ر l به‌رنامه‌ و په‌یڕه‌و l برنامه‌ و اساسنامه
چاو پێکه‌وتن و وتووێژ
موحسین باوه‌جانی ئه‌ندامی كوردیناسیۆنی "یه‌كێتیی دیموكراتی كوردستان": بابه‌ته‌كان نه‌ فیكریی بوون و نه‌ نه‌ته‌وه‌یی به‌ڵكوو، ته‌نیا بیانوویه‌ك بوون بۆ سه‌رنه‌گرتنی به‌ره‌
سازدانی دیمانه‌: هاوار موده‌بێر
30 / 11 / 2010
■ به‌گوێره‌ی ڕاپرسی و توێژینه‌وه‌كان ده‌ركه‌وت كه‌ گه‌مارۆكانی سه‌ر ئێران زیاتر زیانی له‌ خه‌ڵك گه‌یاندووه‌ تا داموده‌زگای حوكوومی، باشه‌ پێتان وایه‌ له‌به‌رچی وڵاتانی خۆرئاوا له‌سه‌ر ئه‌م جۆره‌ فشارانه‌ پێداگرن، ته‌نانه‌ت باراك ئوباما سه‌رۆككۆماری ئه‌مریكاش بۆ ماوه‌ی یه‌كساڵ فشاره‌ ئابوورییه‌كانی سه‌ر ئێرانی نوێ كرده‌وه‌، هۆكه‌ی چییه‌؟
منیش پێموایه‌ ئه‌نجامی ئه‌و كۆڵینه‌وه‌ و ڕاپرسیانه‌ دروستن و ئه‌و زه‌خت و فشارانه‌ كه‌ ئه‌نجومه‌نی ئاسایش و چه‌ند وڵاتی تر به‌رامبه‌ر ئێران جێبه‌جێی ده‌كه‌ن تا ئێستا نه‌یتوانیوه‌ ئه‌و ئه‌نجامه‌ به‌ده‌سته‌وه‌ بدات كه‌ مه‌به‌ستیانه‌. جگه‌ له‌وه‌ش دۆخی ژیانی خه‌ڵك له‌ ئێران پێویستی به‌ لێكدانه‌وه‌ و توێژینه‌وه‌یه‌كی ئه‌وتۆ نییه‌, چوونكه‌ ڕێژه‌ی هه‌ره‌ زۆری خه‌ڵك به‌ ده‌ست گرانی و بێكاری و ده‌سمزی كه‌م له‌ به‌رامبه‌ر نرخی به‌رزی كه‌لوپه‌ڵ ده‌ناڵێنن. بۆیه‌، ڕه‌نگه‌ ئێران له‌ ڕووی هاورده‌كردنی هه‌ندێ كه‌ره‌سه‌ی سه‌ربازیی سنووردار و ڕێنه‌دراو كرابێ و چه‌ند به‌رپرسێكی سه‌ره‌وه‌ی ده‌وڵه‌ت و سوپای پاسداران سزا دراون به‌ڵام، به‌شی زۆری فشاره‌كان خه‌ڵكی گرتۆته‌وه‌، له‌ حاڵێكدا خه‌ڵك له‌ دروستبوونی ئه‌م هه‌لومه‌رجه‌دا ڕۆڵێكیان نه‌بووه‌. ده‌وڵه‌تی هه‌نووكه‌یی له‌ ئێران و به‌گشتی حوكوومه‌تی ئیسلامیی ئێرانیش به‌هۆی ناشه‌فافییه‌ت له‌ كاروبار و بوونی سه‌رچاوه‌ی بێ سنووری ماددی له‌ خزمه‌تیدا ده‌توانێ و توانیویه‌تی ئه‌و به‌ربه‌ستانه‌ به‌جۆرێك له‌ جۆره‌كان به‌جێ بێڵێ به‌ڵام خه‌ڵكی پێوه‌بووه‌.
له‌سه‌ر نوێكردنه‌وه‌ی سزاكان له‌ لایه‌ن ئه‌مریكاشه‌وه‌ ده‌بێ بڵێم ئه‌وانیش چاك ده‌زانن ئه‌و سزایانه‌ زیاتر خه‌ڵكی كردۆته‌ ئامانج تا حوكوومه‌ت، به‌ڵام دوو مه‌سه‌له‌ وای كردووه‌ تا ئه‌مریكا له‌سه‌ر ئه‌م هه‌ڵوێسته‌ی خۆی پێداگر ببێت.
له‌ هه‌نگاوی یه‌كه‌مدا ده‌توانم بڵێم ئه‌وانیش له‌ ئێستادا هیچ به‌رنامه‌یه‌كی نوێیان نییه‌ و به‌پێی هه‌مان بێ به‌رنامه‌یی هه‌وڵیان له‌سه‌ر ئه‌وه‌یه‌ تا به‌دروستبوونی دۆخێكی ناله‌باری ئابووری ئه‌ركی فشار و زه‌ختكردن بخه‌نه‌ ئه‌ستۆی خه‌ڵك و به‌جۆرێك بیری گشتیی, به‌رامبه‌ر ده‌وڵه‌ت ناڕه‌زایه‌تی بنوێنێت. درێژكردنی سزاكان بۆ یه‌كساڵی دیكه‌ش زیاتر له‌وه‌یا خۆی ده‌بینێته‌وه‌ كه‌ ڕه‌نگه‌ ئێران وه‌رچه‌رخانێك بكات و مه‌سه‌له‌كه‌ نه‌گاته‌ قۆناغگه‌لی تر.
-"-
 پێموایه‌ تێپه‌ڕبوونی كات زۆر شتی ڕوون كردۆته‌وه‌، ئا ئێستا زۆر ئاشكراتر ده‌توانین شرۆڤه‌ی ئه‌و كۆسپ و ڕێگرییانه‌ بكه‌ین كه‌ تا ئێستا بیانووی پێك نه‌هاتنی به‌ره‌ بوون

هه‌نگاوی دووهه‌میش زیاتر وه‌ك ئولتیماتومێك ده‌چێ. یانی ئه‌گه‌ر ویسترا قۆناغێكی جیاواز به‌رامبه‌ر ئێران بگیردرێته‌به‌ر ئه‌وا ئه‌و به‌ڵگه‌ هه‌بێ كه‌ هه‌موو ڕێگه‌كانی گوشار و فشار و پێشگر بۆ سه‌ر ئێران تاقیكراوه‌ته‌وه‌. ئه‌گه‌رچی ئه‌م ئه‌گه‌ره‌ لاوازه‌.

■ به‌ڕێزتان ئاماژه‌تان به‌وه‌دا كه‌ ئه‌مریكا و هاوپه‌یمانانی، گرنگی به‌ فشاری ناوخۆیی ده‌ده‌ن و نوێكردنه‌وه‌ی سزاكه‌ش زیاتر له‌وێوه‌ خۆی ده‌بینێته‌وه‌، باشه‌ ئایا ئێران به‌سانایی ئه‌و فشار و ناڕه‌زایه‌تییانه‌ سه‌ركوت ناكات؟
به‌ڵێ وایه‌، ئه‌گه‌رچی ئه‌مریكا له‌ زه‌مه‌نه‌ جیاوازه‌كاندا پشتیوانیی له‌ فشار و ناڕه‌زایه‌تییه‌كانی ناوخۆیی ئێران جارجار كردووه‌ و جاری واش هه‌بووه‌ گوێی لێ خه‌واندووه‌، به‌ڵام هه‌میشه‌ له‌ به‌رامبه‌ر ئێراندا وه‌ك لۆسه‌یه‌كی گوشار به‌كاری هێناوه‌. هه‌ڵوێست نواندنی ئه‌مریكا به‌رامبه‌ر پێشێلكردنی مافی مرۆڤ و مافی كه‌مایه‌تییه‌ ئایینی و نه‌ته‌وه‌ییه‌كان له‌ ئێران، یه‌كجۆر نه‌بووه‌، به‌پێی پێویستییه‌كان گۆڕاوه‌، یانی جار بووه‌ زه‌ق كراوه‌ته‌وه‌ و جاری واش هه‌بووه‌ پشتگوێ خراوه‌. ئه‌م فشاره‌ ئابوورییانه‌ش كه‌ ئه‌مریكا و لایه‌نه‌كانی دیكه‌ له‌سه‌ر ده‌وڵه‌تی ئێران جێبه‌جێی ده‌كه‌ن ئه‌و كاریگه‌رییه‌ی نییه‌ و زیاتر له‌ ژیانی خه‌ڵكدا ڕه‌نگی داوه‌ته‌وه‌. ئه‌مه‌ش كه‌م و زۆر ناڕه‌زایه‌تیی لێكه‌وتۆته‌وه‌ به‌ڵام، ده‌وڵه‌ت و حوكوومه‌تی ئیسلامیی ئێرانیش زۆر باش ده‌زانن چۆن ئه‌و ناڕه‌زایه‌تییانه‌ هێور كه‌نه‌وه‌ و سه‌ركوتی بكه‌ن، بۆیه‌ش به‌هه‌ر نرخێك قه‌یرانه‌كان ده‌رباز ده‌كه‌ن. یه‌ك شتیش هه‌یه‌ له‌ بیری نه‌كه‌ین كه‌ دروستبوونی ئه‌م دۆخی ناله‌باری ئابوورییه‌ له‌ ڕووی كۆمه‌ڵایه‌تییه‌وه‌ زۆر مه‌ترسیداره‌ و، نائارامی و هه‌ندێ كرده‌وه‌ی ناشیرین و توندوتیژ بره‌و پێ ده‌دات. هه‌ر ئه‌وه‌ش به‌سه‌ تا حوكوومه‌تی ئیسلامیی ئێران زۆر به‌سانایی جه‌ره‌یاناتی مه‌ده‌نی و ڕۆشنبیریی سه‌ركوت بكا و هه‌ڵیان بوه‌شێنێته‌وه‌.

■ وتتان حوكوومه‌ت ده‌توانێ ناڕه‌زایه‌تییه‌كان به‌باشی كۆنترۆڵ و سه‌ركوت بكات، به‌نیسبه‌ت كوردستانه‌وه‌ چۆنه‌؟

له‌ كوردستان هه‌ر دووكیان هه‌یه‌، به‌ له‌داردان و دروستكردنی دۆخی ئه‌منی و ملیتاریستی هه‌وڵ بۆ سه‌ركوتی ئارام ده‌دات و دۆخه‌كه‌ش له‌ قازانجی به‌رنامه‌كانی خۆی ده‌سووڕێنێ. ده‌كرێ له‌م مه‌سه‌له‌یه‌دا ئاماژه‌ به‌ دوو شت بده‌م كه‌ حوكوومه‌تی ئیسلامیی ئێران وه‌ك به‌رنامه‌یه‌كی ئامانجدار له‌ كوردستان جێبه‌جێی كردووه‌ و ده‌شیكات:
یه‌كه‌م: دۆخی نائارامی كۆمه‌ڵایه‌تی و ده‌ركه‌وتنی پێكدادانی چه‌كدارانه‌ (وه‌ك خاڵێكی سروشتی له‌ هه‌ر حوكوومه‌تێكدا) ده‌كه‌نه‌ ده‌ستاوێزێك بۆ سه‌ركوتی به‌ناو شه‌رعی و كوردستان ده‌كه‌نه‌ بنكه‌یه‌كی مه‌زنی سه‌ربازیی تا له‌ ئه‌گه‌ری ناڕه‌زایه‌تی به‌رامبه‌ر دۆخی ناله‌باری ئابووری، مافه‌ نه‌ته‌وه‌ییه‌كان و ...تاد بتوانن به‌ئاسانی سه‌ركوتی بكه‌ن.
دووهه‌م: دروستبوونی ئه‌م دۆخه‌ ناله‌باره‌ ئابوورییه‌ و له‌ هه‌مانكاتدا بێكاری و گرانی، زه‌مینه‌ی جێبه‌جێكردنی به‌رنامه‌ی گرێدانی گه‌نجان به‌ حوكوومه‌ت و هێزه‌ سه‌ربازییه‌كانی خۆش كردووه‌ له‌ ڕێگه‌ی به‌ئه‌ندامبوونیان له‌ هێزێكی وه‌ك سوپای پاسداران كه‌ له‌ زۆر حاڵه‌تدا به‌ئه‌ندامكردن بووه‌ نه‌ك به‌ئه‌ندامبوون. به‌ڵام له‌ هه‌ر دۆخێكدا بێ, توانیویه‌تی به‌شێك له‌ پوتانسیێلی گه‌نج به‌ پاره‌ و به‌شێوه‌یه‌كی كاتیی ڕاگرێ كه‌ ئامانج له‌وه‌ش كۆنترۆڵ و هه‌ڵوه‌شاندنه‌وه‌ی ئه‌و هێزه‌یه‌ كه‌ ڕه‌نگه‌ له‌ قۆناغێكدا ده‌ست بده‌نه‌ ناڕه‌زایه‌تیی به‌ربڵاو.

■ كه‌وابێ ئایا ئه‌و هێز و وزه‌ گه‌نجه‌ به‌تاڵ و ناكاریگه‌ر بووه‌؟

نا ناكاریگه‌ر نه‌بووه‌، چوونكه‌ ئه‌و گرێدانه‌، گرێدانێكی مه‌عنه‌وی و خوازراو نییه‌، كاتێ ئه‌توانین بڵێین ناكاریگه‌ره‌ كه‌ گرێدانێكی مه‌عنه‌وی و دڵخواز له‌ئارادا بێ. حوكوومه‌تی ئیسلامیی ئێرانیش باش ده‌زانێ كه‌
-"-
 ”ئه‌گه‌ر گریمانه‌مان له‌سه‌ر ئه‌وه‌ بێ كه‌ سوپای پاسداران و ده‌وڵه‌تی ئه‌حمه‌دی نژاد ئافرێنه‌ری ئه‌و قه‌یرانه‌ نه‌بووبن، به‌ڵام به‌بڕوای من توانیان زۆر به‌باشی له‌ به‌ڕێوه‌بردنیدا سه‌ركه‌ون كه‌ سه‌ركه‌وتنی ئه‌وان ئه‌و سه‌ركوت و ئه‌شكه‌نجه‌ و جه‌نایه‌تانه‌ بوون كه‌ به‌رامبه‌ر ناڕزاییان كردیان“ 
ئه‌م ڕاگرتنه‌ ته‌نیا بۆ كورتماوه‌یه‌ و زۆر ناخایه‌نێت، جیاواز له‌مه‌ چوونكه‌ ئه‌ساسه‌ن زۆره‌ملێ و سه‌ركوت و دۆخی ناله‌باری ئابووری ئه‌م دۆخه‌ی ئافراندووه‌, باشتره‌ هیچ هێزێك ده‌ست بۆ كرده‌وه‌ی توندوتیژ و نه‌شیاو نه‌بات، ئه‌گینا هاوكێشه‌كه‌ به‌ره‌و ئاقاری تر ده‌ڕوات.

■ كرده‌وه‌ی توندوتیژ یانی چۆن كرده‌وه‌یه‌ك؟

هه‌ر كرده‌وه‌یه‌ك په‌یوه‌ندیی به‌ چه‌كوچۆڵه‌وه‌ هه‌بێ و نائارامی دروست بكات و بیانوو بداته‌ ده‌ست حوكوومه‌ته‌وه‌.

■ باشه‌ ئایا هه‌موو حیزب و و لایه‌نێك له‌سه‌ر ئه‌وه‌ هاوڕان؟

بێگومان نا به‌ڵام لایه‌نی هاوده‌نگیش هه‌یه‌.

■ به‌مجۆره‌ چۆن ده‌كرێ له‌به‌ر قازانجی كورد له‌ خۆرهه‌ڵاتی كوردستان و ته‌نانه‌ت هه‌رێمی كوردستانیش ڕێكردێكی هاوبه‌ش بگیردرێته‌به‌ر؟

من پێموایه‌ ئێستا حیزبه‌كان به‌عام به‌نیسبه‌ت هه‌ندێ بابه‌تی ڵێل و ناڕوون چاویان باشتر كراوه‌ته‌وه‌ و ده‌توانن ئاگایه‌نه‌ و به‌متمانه‌ی زیاتره‌وه‌ له‌ یه‌ك نزیك ببنه‌وه‌، چوونكه‌ وه‌ك له‌ ڕابردووشدا باسم كردبوو، هه‌ندێ بابه‌ت و ڕووداو بێ ئه‌وه‌ی بمانه‌وێ یا نه‌مانه‌وێ ده‌سته‌به‌ندییه‌ك دروست ده‌كات، من ناڵێم خراپ و باش یا مه‌فاهیمی له‌و ده‌سته‌یه‌، به‌ڵام به‌هه‌ر حاڵ توزێ به‌رچاوڕوونی دروست ده‌كا كه‌ لایه‌نگه‌لێك بتوانین به‌دڵنیاییه‌وه‌ له‌ یه‌ك نزیك ببنه‌وه‌ و بتوانن به‌ جیددی چاره‌سه‌رێك نه‌ك هه‌ر بۆ پێشگری له‌ توندوتیژیی به‌ڵكوو، زۆر بابه‌تی دیكه‌ش یه‌كلا بكه‌نه‌وه‌، ئه‌مه‌ش ناكرێ مه‌گه‌ر به‌ره‌یه‌ك پێك بێنین. ته‌نیا ئه‌م به‌ره‌ ده‌توانێ یه‌ك هه‌ڵوێستی و یه‌ك ڕێكردیی دروست بكات و قازانجی كوردیش هه‌ر له‌وه‌دایه‌.

■ باسی به‌ره‌ی كوردستانی زۆر كراوه‌ و به‌هیچ كوێ نه‌گه‌یشتووه‌، یانی ئێوه‌ هێشتا به‌هیوان به‌رامبه‌ر ئه‌و مه‌سه‌له‌؟

بێگومان به‌ڵێ. ئێمه‌ پێمان وایه‌ به‌ره‌ی كوردستانی ده‌بێ به‌رنامه‌یه‌كی ستراتژیكی بێت، كاتێ لای هه‌مووان ستراتژیكی بوو ئه‌وجار ڕوانین و هه‌نگاوه‌كان بۆ دروستكردنی قایمتر و جیددیتر ده‌بن. زۆر ڕاسته‌ كه‌ زۆر باسكراوه‌ و ته‌نانه‌ت چه‌ندجار هه‌وڵیشی بۆ دراوه‌ به‌ڵام، به‌هۆی جۆراوجۆر هه‌ر پێكنه‌هات، له‌گه‌ڵ ئه‌وه‌شا من پێموایه‌ تێپه‌ڕبوونی كات زۆر شتی ڕوون كردۆته‌وه‌، ئا ئێستا زۆر ئاشكراتر ده‌توانین شرۆڤه‌ی ئه‌و كۆسپ و ڕێگرییانه‌ بكه‌ین كه‌ تا ئێستا بیانووی پێك نه‌هاتنی به‌ره‌ بوون.

■ چۆن كۆسپێك, ده‌توانن ئاماژه‌ی پێ بده‌ن؟

ته‌نیا ده‌توانم بڵێم نه‌ فیكریی بوون و نه‌ نه‌ته‌وه‌یی به‌ڵكوو، ته‌نیا بیانوویه‌ك بوون بۆ سه‌رنه‌گرتنی به‌ره‌.

■ هه‌مووان ده‌زانین به‌ره‌ چ قازانج و به‌رژه‌وه‌ندیگه‌لێكی تێدایه‌ و چ پێشكه‌وتنێكی به‌دواوه‌یه‌، نموونه‌ی به‌ره‌ و هاوپه‌یمانێتی و ...هتد له‌ هه‌رێمی كوردستاندا جۆره‌ یه‌كده‌نگییه‌كی ساز كردووه‌ كه‌ ناوه‌ند ده‌زانێ لایه‌نی به‌رامبه‌ری كێیه‌, چوونكه‌ یه‌ك داخوازی و داواكاریی ده‌بیستێ، نموونه‌ی ئه‌مه‌ش بۆ ئۆپۆزیسیۆنی كوردی له‌ خۆرهه‌ڵاتی كوردستان ڕاست و دروسته‌، ئێوه‌ش سه‌باره‌ت به‌ كێشه‌كه‌ كه‌ ناهێڵێ ئه‌م تریبۆنه‌ هاوبه‌شه‌ پێك بێت ده‌ڵێن نه‌ فیكری بوو، نه‌ نه‌ته‌وه‌یی، مه‌به‌ستان ئه‌وه‌یه‌ ته‌نیا كوسپێك بوو كه‌ پێشی به‌ دروستبوونی ئه‌م یه‌كده‌نگییه‌ ده‌گرت؟

لێره‌دا پێویسته‌ یه‌ك شت بڵێم و ئه‌ویش ئامانجه‌ ستراتژییه‌كانه‌ له‌ هه‌ر حیزبێكدا، بێگومان ئه‌م ئامانجه‌ ستراتژییانه‌ له‌ حیزبێكه‌وه‌ بۆ حیزبێكی دیكه‌ جیاوازه‌ و به‌شێوه‌ی جیاوازیش هه‌وڵی بۆ ده‌درێت. ئه‌گه‌ر به‌ڕاستی هه‌ر لایه‌نێك له‌ ڕووی كردار و تیۆرییه‌وه‌ خۆی گه‌یاند بێته‌ ئه‌و قه‌ناعه‌ته‌ كه‌ هه‌ر كرده‌وه‌یه‌كی ده‌بێ له‌ پێناو گه‌یشتن به‌و ئامانجانه‌ بێ، ئه‌وا هه‌ر كۆسپێكیش كه‌ بیه‌وێ ڕێگریی له‌و بكات یا لێی دوور ده‌كه‌وێته‌وه‌ یا ده‌خوازێ لێی دوور بكه‌وێته‌وه‌ و ڕێگه‌ی خۆی ده‌گۆڕێت. ئه‌گه‌ر هه‌ر حیزبێك له‌ پێناوی گه‌یشتن به‌ ئامانجه‌ گشتییه‌ ـ عه‌قڵانییه‌كانی دۆزی كورد له‌ خۆرهه‌ڵاتی كوردستان هه‌نگاو هه‌ڵنه‌گرێ و نه‌جووڵێته‌وه‌، پێویسته‌ پێداچوونه‌وه‌یه‌ك له‌ خۆی بكات و بیرێك له‌ پێویستیی هه‌بوونی خۆی بكاته‌وه‌، چوونكه‌ له‌و حاڵه‌ته‌دا ئه‌و به‌رژه‌وه‌ندی و خواسته‌گه‌لێكی له‌پێش چاوه‌ كه‌ نه‌ته‌وه‌یی نین و له‌ تاك و تاقم و حیزبدا كورت ده‌بێته‌وه‌ بۆیه‌ هاوكێشه‌كه‌ زۆر ساده‌یه‌، هه‌موومان ده‌مانه‌وێ به‌شداریی پێكهاته‌یه‌ك ببین كه‌ ده‌توانین له‌ودا خزمه‌تی زیاتر به‌ دۆزی كورد بكه‌ین و ...تاد، تا ئه‌م ساته‌وه‌خته‌ش من ئاگه‌دار بم مه‌رجێكی وه‌ها نامومكین له‌ به‌رده‌م داوخوازان بۆ به‌شداربوون نییه‌، به‌ڵام كاتێ له‌م ڕێگه‌یه‌دا كۆسپێك ده‌ڕوێنرێت ئێستا ئاگایانه‌ بێ یا نائاگایانه‌ یاخود دروست ببێ یا بخوازن دروست ببێت، ئه‌وجار وه‌ك وتم چاره‌ شتێكی دیكه‌یه‌ و پێناسه‌ی هه‌ر كه‌س به‌رامبه‌ر ئه‌و كۆسپه‌ ئاسایی نابێت.

■ باشه‌ ئه‌ی ئێوه‌ هیچ مه‌رجێكتان هه‌یه‌؟

ئێمه‌ هیچ مه‌رجێكمان نییه‌ به‌ڵام گرنگ ئه‌وه‌یه‌ هه‌ر لایه‌نێك پارێزه‌ری به‌رژه‌وه‌ندییه‌ نه‌ته‌وه‌ییه‌كان بێت.

■ تا ئێستا هه‌بووه‌ پێداچوونه‌وه‌یه‌ك له‌سه‌ر په‌یوه‌ندییه‌كانی خۆتان بكه‌نه‌وه‌؟

وه‌ك په‌یوه‌ندییه‌ ستراتژیكییه‌كان، له‌ سه‌ر هه‌مان بڕیارین له‌ ده‌سپێكه‌وه‌ وه‌رمانگرتووه‌. بێگومان به‌رژه‌وه‌ندیی نه‌ته‌وه‌یی و سیاسه‌تكردنی به‌ پره‌نسیپ, گرنگترین خاڵێكه‌ ده‌توانێ پێناسه‌ی په‌یوه‌ندیی ئێمه‌ و هه‌ر لایه‌نێكی دیكه‌ بكات.

■ با بچینه‌سه‌ر سه‌ر مه‌سایلی ناوخۆیی ئێران, هه‌ندێ بۆچوون هه‌یه‌ باس له‌وه‌ ده‌كات كه‌ دروستبوونی ناڕه‌زایه‌تییه‌كان و ته‌نانه‌ت بزوتنه‌وه‌ی سه‌وزیش، جۆرێك له‌ قه‌یران بوو تا ده‌وڵه‌ت ناڕازیانی جیددی خۆی ئاشكراتر بناسێ و سه‌ركوتیان بكات یا زه‌مینه‌یه‌ك بڕه‌خسێنێ تا ئێران به‌جێ بێڵن، ئه‌مه‌ چه‌نده‌ ڕاسته‌؟

ئه‌گه‌ر گریمانه‌مان له‌سه‌ر ئه‌وه‌ بێ كه‌ سوپای پاسداران و ده‌وڵه‌تی ئه‌حمه‌دی نژاد ئافرێنه‌ری ئه‌و قه‌یرانه‌ نه‌بووبن، به‌ڵام به‌بڕوای من توانیان زۆر به‌باشی له‌ به‌ڕێوه‌بردنیدا سه‌ركه‌ون كه‌ سه‌ركه‌وتنی ئه‌وان ئه‌و سه‌ركوت و ئه‌شكه‌نجه‌ و جه‌نایه‌تانه‌ بوون كه‌ به‌رامبه‌ر ناڕزاییان كردیان. له‌ڕاستیدا ئه‌وان نه‌یانهێشت ئه‌م ناڕه‌زایه‌تییه‌ له‌ پارێزگاكانی ناوه‌ندی ئێران زیاتر بڕوات و په‌ل بهاوێژێته‌ پارێزگا سنوورییه‌كان. چوونكه‌ ئه‌گه‌ر ئه‌وه‌ ڕووی بدایه‌، نه‌ته‌وه‌كانی كورد و به‌لوچ و ئه‌وانی تریش ڕه‌وته‌كه‌یان ده‌گ
-"-
  ئه‌وانه‌ی وه‌ك هێزی به‌سیجی و پاسدار و ...تاد له‌ ئۆرگانه‌ ئه‌منی و سه‌ربازییه‌كان دان به‌هه‌بوونی ئه‌و دوژمنه‌وه‌یه‌ كه‌ گرێ و عوقده‌ی كێبه‌ركێ و پاراستنی ئه‌وه‌ی كه‌ هه‌یه‌ لایان دروست ده‌بێت
ۆڕی و له‌ دروشم و ناڕه‌زایه‌تینواندن به‌رامبه‌ر ئه‌نجامی ده‌نگدانه‌كان قه‌تیس نه‌ده‌مایه‌وه‌. له‌ هه‌ر حاڵدا من پێموایه‌ چه‌ند هۆكار هه‌یه‌ به‌نیسبه‌ت گشتگیرنه‌بوونی ناڕه‌زایه‌تییه‌كانی دوای ڕاگه‌یاندنی ئه‌نجامی ده‌نگدان بۆ سه‌رۆككۆماریی له‌ ئێران به‌ڵام، سنوورداربوون و نه‌هاتنی بۆ ناوچه‌كانی تری ئێران ده‌توانێ له‌ ڕووی به‌رنامه‌ و پلانی له‌پێش داڕێژراو بووبێ.
سه‌باره‌ت به‌ دروستكردنی به‌سته‌ر و زه‌مینه‌یه‌كی گونجاو بۆ ناڕازیانی جیددیی ده‌سه‌ڵاتی سوپای پاسداران, ده‌بێ بڵێم سه‌ره‌تا دۆخ خۆش كرا تا ئه‌وان ئاشكراتر دژایه‌تیی خۆیان بنوێنن ودواتر گوشاره‌كان بۆ تاكه‌كه‌س و جه‌ریانه‌كان و هه‌روه‌ها ڕه‌خساندنی به‌سته‌ر و كارئاسانی بۆ ئه‌وه‌ بوو كه‌ ئه‌وان ئێران به‌جێ بێڵن و ئه‌وانه‌شیان كه‌ مانه‌وه‌ ده‌زگیر بكرێن و به‌هه‌ر شێوه‌یه‌ك بووه‌ له‌ هه‌ڵوێست و قسه‌ی خۆیان پاشگه‌ز ببنه‌وه‌ و تۆبه‌ بكه‌ن و ڕازی بن به‌و جۆره‌ ده‌سه‌ڵاته‌ی ئێستا له‌ ئاست ئێراندا سیاسه‌ت ده‌كات.

■ پێتانوانییه‌ ئه‌م ده‌سه‌ڵاته‌ی ئێستا سه‌ره‌ڕای ئه‌و توندڕه‌وی و وشكبوونه‌ی كه‌ پێیه‌وه‌ دیاره‌ ده‌یه‌وێ له‌ ئه‌مریكا نزیك ببێته‌وه‌؟
دوور له‌ چاوه‌ڕوانیی نییه‌ به‌ڵام حاشا له‌وه‌ش ناكرێ وه‌ك ئاماژه‌تان پێدا ئه‌گه‌رچی دیسكۆرسێكی توندی به‌رامبه‌ر هه‌ندێ مه‌سایل وه‌رگرتووه‌ به‌ڵام له‌ هه‌مانكاتدا هه‌ندێ هێڵی سووریشی به‌نیسبه‌ت په‌یوه‌ندی و دانوستان ده‌گه‌ڵ ئه‌مریكا به‌زاندووه‌ كه‌ له‌ ده‌وڵه‌ته‌كانی پێشوودا نه‌بووه‌، كه‌چی له‌ ژێر كاریگه‌ریی هه‌ڵوێسته‌ تونده‌كه‌یان زۆر به‌رجسته‌ و به‌رهه‌ست نییه‌.

■ پێتانوایه‌ بۆ هه‌وڵ نادات هه‌ندێ له‌ كێشه‌كانی ده‌گه‌ڵ وڵاتانی تر چاره‌سه‌ر بكات له‌ ناوچه‌كه‌دا؟
حوكوومه‌تی ئیسلامیی ئێران لانیكه‌م ئه‌گه‌ر پێویستیی به‌ دروستكردنی نه‌یاری ده‌ره‌وه‌ی ناوچه‌كه‌ نه‌بێ، پێویستی به‌ دوژمنێكی ناوچه‌ییه‌ و هه‌ر ئه‌مه‌ش بابه‌تێكه‌ تا هه‌میشه‌ دۆخێكی ئه‌منیی نائاسایی له‌ ئێران هه‌بێ و عه‌قڵییه‌تی جه‌ماوه‌ری خه‌ڵك هه‌میشه‌ دوژمنێك له‌ بۆسه‌دا ببینێ و هه‌نگێزه‌ی بۆ پاراستنی ده‌سه‌ڵاته‌كه‌ زیاتر بێت، چوونكه‌ ئه‌وانه‌ی وه‌ك هێزی به‌سیجی و پاسدار و ...و له‌ ئۆرگانه‌ ئه‌منی و سه‌ربازییه‌كان دان به‌هه‌بوونی ئه‌و دوژمنه‌وه‌یه‌ كه‌ گرێ و عوقده‌ی كێبه‌ركێ و پاراستنی ئه‌وه‌ی كه‌ هه‌یه‌ لایان دروست ده‌بێت.
به‌ڵام به‌ بڕوای من عه‌قڵییه‌تی ئه‌وان به‌رامبه‌ر هه‌ندێ وڵاتی تر گۆڕاوه‌، بۆیه‌ ده‌خوازن ده‌گه‌ڵ ئه‌وان مامڵه‌ و دانوستانی ناڕاسته‌وخۆ و دواتر ڕاسته‌وخۆ و دواتریش په‌یوه‌ندییه‌كان ئاسایی بكه‌نه‌وه‌، بۆیه‌ ستراتژیی دوژمنی ده‌ره‌كی لای ئه‌وان، له‌ هه‌موو كات و ساتێكدا كاری پێ ده‌كرێ.

■ زۆر سوپاس كه‌ به‌تاقه‌ته‌وه‌ وه‌ڵامی پرسیاره‌كانتان دایه‌وه‌، ئه‌گه‌ر شتێكی ترتان مابێ؟

ده‌ست و چاوی ئێوه‌ خۆش بێ، هیوای كامه‌رانیتان بۆ ده‌خوازم.


بۆچوونه‌کان
بۆچوون بنووسه‌

ناو:  

ئیمه‌یل:  

تێکستی کۆمێنته‌که‌ت  
ژماره 61
بڵاوکراوه‌یه‌کی سیاسی گشتییه، ئۆرگانی ڕاگه‌یاندنی یه‌کێتی دیموکراتی کوردستان ده‌ریده‌کات‌
01 02 03 04 05 06 07 08
چاو پێکه‌وتن و وتووێژ
ئه‌گه‌ر ده‌رفه‌تێك هه‌بێت له‌ناوخۆی ئێراندا بۆ خه‌باتی سیاسی ئێمه‌ یه‌كه‌م رێكخراو ده‌بین كه‌ ده‌گه‌ڕێینه‌وه‌.
موحسین باوه‌جانی: لایه‌نانێك هه‌ن یه‌كگرتوویی پارته‌ كوردییه‌كان لایان وه‌ك جامی ژه‌هره‌ هیوادارم نۆشی گیانیان بێت
مافی کۆپی کردن پارێزراوه‌ بۆ سایتی یه‌کێتی دیموکراتی کوردستان 2009 ده‌سپێک l هه‌واڵ l بۆنه‌ و ڕێوڕه‌سم l کۆمیته‌کان l خه‌باتی ئاشتیخوازانه‌ l ئه‌رشیف l ڤیدیۆ l په‌یوه‌ندی