ده‌سپێک l مقالات l هه‌واڵ l به‌یاننامه‌ و ڕاگه‌یاندن l سکرتێری گشتی l چاوپێکه‌وتن و وتووێژ l چاند و هونه‌ر l به‌رنامه‌ و په‌یڕه‌و l برنامه‌ و اساسنامه
به‌یان نامه‌و راگه‌یاندن
پەیامی یەکێتیی دیموکراتی کوردستان سەبارەت بە خۆپیشاندانە سەرتاسەرییەکەی ئێران
یەکێتیی دیموکراتی کوردستان
31 / 12 / 2017
خەڵکی ڕاپەڕیوی ئێران
گەلی ئازادیخوازی کورد
حیزب و لایەنە سیاسییەکانی کوردستان
ماوەی چەند ڕۆژێکە لە زۆرێک لە شار و شارۆچکەکانی ئێران،  خەڵکی بە زاڵە هاتوو لە دەستی ستەم و نادادپەروەرییەکانی کۆماری ئیسلامی ئێران، ڕاپەڕیون و هەر ڕۆژ ناڕەزایەتییەکان و خۆپیشاندانەکان بەرینتر و فراوانتر دەبێت کە خۆیشاندەران لە درووشمەکانیاندا بێزاریی خۆیان لە تەواوی ڕژیمی کۆماری ئیسلامی دەر دەبڕن و خوازیاری گۆڕینی ئەو ڕژیمەن. ڕژیمێک کە تەنگی بە ژیانی خەڵک هەڵپێچاوە، ئەم ڕژیمە نە تەنیا فەزایەکی بۆ دەربڕینی ئازادانەی بیروڕای ئازاد و جیاواز نەهێشتووە، تەنانەت لە بوواری ئابووری و بژێویشەوە، ژیانی خەڵک بە گشتی لە لێواری هەڵوەشاندنەوە دایە، هەر بۆیە دەبینین کە خەڵکی ئێران بە گشتی، لە دەستی سیاسەتەکانی کۆماری ئیسلامی و ڕێبەرانی بە تەنگ هاتووە و لە ئێستادا دەنگی ناڕەزایەتی خۆی بەرز کردووتەوە ، بۆ یەکەم جار لە دوای بە دەسەڵات گەیشتنی ئەم ڕژیمە، دەربڕینی ناڕەزایەتی و خۆپیشاندان، سەرتاسەری دەبێتەوە و هەموو ناوچەکانی ئێران و نەتەوە مەزهەبە جیاوازەکانیش دەگرێتەوە و درووشمەکان و داخوازییەکانیش هەڵگری گۆڕانکاری بنەمایین لە تەواوەتی سیستەمی حاکم لە ئێراندا کە پێویستە هەموو گەلانی ئێران بە بێ لە بەرچاوگرتنی جیاوازییەکان، لە خۆپیشاندەران پشتیوانی بکەن و فشارەکانی خۆیان بۆ گۆڕینی سیستمی سیاسی لە ئێران فراوان بکەن.
ئێمە وەک یەکێتیی دیموکراتی کوردستان (ئێران)، پاڵپشت و پشتیبانی داخوازییەکەنی خۆپیشاندەران و خەڵکی ئێرانین و لە گەلانی ئیران بە گشتی و نەتەوەی کورد بەتایبەتی لە ئێراندا داواکارین کە هاوکار و پشتیوانی یەکتر بن و بە هاوکاری لە گەڵ یەک، بە سەر ڕژیمی ستەمکار و سەرکوتگەری کۆماری ئیسلامیدا سەرکەون و سیستمێکی نوێی تێدا جێگیر بکەن کە هی هەموو گەلانی ئێران بێت و هەموو نەتەوەکانی ئێران بە هەموو چین و توێژە جۆراوجۆرەکانیەوە، بە شێوەیەکی یەکسان و دادپەروەرانە بگەن بە مافە ڕەواکانیان.
ئێمە وەک یەکێتیی دیمووکراتی کوردستان، لە هەموو حیزب و لایەنە سیاسییەکانی کوردستانی ئێران داواکارین کە ئەو هەلە مێژووییەی کە هەموومان چاوەڕوانی بووین هاتوەتە پێشەوە و لە ئێستادا لە بەردەمماندایە، بە پێویستی دەزانین کە بە قەبووڵ کردنی جیاوازییەکانی یەکتری و هەروەها بە لاوەنانی ناکۆکییە فیکری و ڕوانگەییەکانی نێوانمان، بەرەیەکی یەکگرتووی کوردستانی پێکبێنین کە هەموو حیزب و ڕەوت و هێز و کەسایەتییەکی سیاسی تێیدا بەشدار بن، تا لە ئەگەری هەر جۆرە گۆڕانکارییەک لە ڕەوشی هەنووکەدا، بە هێزێکی یەکگرتوو و بەهێز و هەمەلایەنە لە گۆڕەپانی سیاسی ئێران ئامادەیی و حزوورمان هەبێت و بتوانین مافە ڕەواکانی نەتەوەکەمان دەستەبەر بکەین.
 

یەکێتیی دیموکراتی کوردستان
١٠/١٠/١٣٩٦ هەتاوی 
 



بۆچوونه‌کان
بۆچوون بنووسه‌

ناو:  

ئیمه‌یل:  

تێکستی کۆمێنته‌که‌ت  
ژماره 62
بڵاوکراوه‌یه‌کی سیاسی گشتییه، ئۆرگانی ڕاگه‌یاندنی یه‌کێتی دیموکراتی کوردستان ده‌ریده‌کات‌
01 02 03 04 05 06 07 08 09 10 11 12
به‌یان نامه‌و راگه‌یاندن
پە‌یامی یه‌كێتیی دیموكراتی كوردستان به‌ بۆنه‌ی ڕۆژی جیهانی كرێكار
بەیاننامەی نەورۆزی یەکێتیی دیموکراتی کوردستان
مافی کۆپی کردن پارێزراوه‌ بۆ سایتی یه‌کێتی دیموکراتی کوردستان 2009 ده‌سپێک l هه‌واڵ l بۆنه‌ و ڕێوڕه‌سم l کۆمیته‌کان l خه‌باتی ئاشتیخوازانه‌ l ئه‌رشیف l ڤیدیۆ l په‌یوه‌ندی