ده‌سپێک l مقالات l هه‌واڵ l به‌یاننامه‌ و ڕاگه‌یاندن l سکرتێری گشتی l چاوپێکه‌وتن و وتووێژ l چاند و هونه‌ر l به‌رنامه‌ و په‌یڕه‌و l برنامه‌ و اساسنامه
چاند هۆنه‌ر
” له‌ به‌رده‌م یاسا “ / كورته‌ چیرۆك
له‌ نووسینی فرنتس كافكا / و: كۆردۆ موده‌بێر
25 / 7 / 2008
له‌ به‌رده‌م یاسادا پاسه‌وانێك له‌ به‌ر ده‌رگاكه‌ به‌ ژنی راست كردبووه‌وه‌ . پیاوێكی دێهاتی هات و ویستی كه‌ بچێته‌ ناو یاساوه‌ . به‌ڵام پاسه‌وانه‌كه‌ به‌ داوای لێ بووردنه‌وه‌ ووتی : "ناتوانێت ئیزن بدات و بێڵێت كه‌ بچێته‌ ژوره‌وه‌ ". پیاوه‌كه‌ تۆزێك بیری كرده‌وه‌ و ووتی : " ئایا ده‌بێت ، دوایی بچێته‌ ژووره‌وه‌ ". پاسه‌وانه‌كه‌ ووتی : " له‌وانه‌یه‌ ، به‌ڵام ئێستا نا ". پاسه‌وان له‌ به‌ر ئه‌و ده‌گایه‌ كه‌ هه‌میشه‌ چوار تاق كراوه‌ بوو تێپه‌ڕی ،  ئه‌و  پیاوه‌ چه‌مایه‌وه‌ به‌ڵكو ناوه‌وه‌ی ئه‌و شوێنه‌ ببینێت . پاسه‌وانه‌كه‌ پێی زانی و به‌ پێكه‌نینه‌وه‌ ، پێ ی ووت : ئه‌گه‌ر سه‌ره‌ڕای پاراستنی من ، ئێره‌ بۆت ئه‌وه‌نده‌ سه‌یر و سه‌مه‌ره‌ ، هه‌وڵ  بده‌ تێپه‌ریت . به‌ڵام له‌ بیر مه‌كه‌ كه‌ من به‌ هێزم و ئاخرین پاسه‌وانیش نیم و له‌ به‌ر هه‌ر ده‌رگایه‌ك پاسه‌وانگه‌لێكی به‌ هێز راوه‌ستاون ، ئه‌وه‌نده‌ به‌ هێزن كه‌ منیش توانای سه‌یر كردنی سێهه‌میه‌كه‌یانم نییه‌.
پیاوه‌ دێهاتیه‌كه‌ كه‌ له‌ نزیكه‌وه‌ سه‌یری كرد ، پاسه‌وانه‌كه‌ی له‌ نێو جلێكی كوڵكن و به‌  لوتێكی درێژ و ریشێكی تاتاری و به‌ژنێكی ره‌ش درێژ و لاواز ده‌دیت .پێی خۆش بوو چاوه‌ڕوان بێت بۆوه‌ی ئیزنی چوونه‌ ژووره‌وه‌ی پێ بدرێت . پاسه‌وانه‌كه‌ شۆكۆلاتێكی هه‌نگوێنی  پێ دا و ناچاری كرد تۆزێك دوورتر له‌ ده‌رگاكه‌ راوه‌ستێت .
ئه‌و پیاوه‌ به‌ ساڵه‌ها له‌وێ  دانیشت. هه‌وڵا و ته‌قه‌لای زۆری دا كه‌ ئیزنی چوونه‌ ژووره‌وه‌ی پێ بده‌ن ، ئیدی پاسه‌وانه‌كه‌شی به‌و هه‌موو داواكاریه‌ ماندوو كرد بوو . هه‌ندێك جار پاسه‌وان له‌ پیاوه‌كه‌ پرسیارگه‌لێكی كورتی سه‌باره‌ت به‌ وڵاته‌كه‌ی و و هه‌ندێك بابه‌تی تر ده‌كرد . به‌ڵام ئه‌م پرسیارانه‌ ته‌نها له‌ رووی كه‌مته‌ر خه‌می و شێوه‌ی پرسیاركردنی گه‌وره‌ پیاوان له‌ ژێر ده‌سته‌كانیان ده‌چوو و هه‌ر جار دوای پرسیاره‌كانی دوو پاتی ده‌كرده‌وه‌ كه‌ هێشتاش ناهێڵێت بچێته‌ ژووره‌وه‌ .
ئه‌و پیاوه‌ كه‌ هه‌موو شت و مه‌ك و پێویستیه‌كانی سه‌فه‌ری پێ بوو له‌ هه‌موو ئه‌و ماوه‌یه‌دا هه‌وڵی ده‌دا به‌ دایینی ئه‌و شتانه‌ ، پاسه‌وانه‌كه‌  به‌ شێوه‌یه‌ك له‌ رێ به‌ ده‌ر كات  ، راسته‌ ئه‌ویش هه‌موو ئه‌و شتانه‌ی قه‌بوڵ ده‌كرد ، به‌ڵام پێی ووت : من ته‌نیا قه‌بوڵی ده‌كه‌م ، بۆ ئه‌وه‌ی كه‌ دڵنیا بیت هیچ شتێكت له‌ بیر نه‌كردوه‌ .
ساڵه‌ها ئه‌و پیاوه‌ سه‌یری ئه‌و پاسه‌وانه‌ی ده‌كرد ، ئه‌وه‌نده‌ كه‌ ئیدی پاسه‌وانه‌كانی تری له‌ بیر چوو بووه‌وه‌. له‌ لای پیاوی دێهاتی ته‌نها ئاسته‌نگ و كێشه‌ ،  ئه‌و پاسه‌وانه‌ یه‌كه‌مه‌ بوو .
له‌ ساڵه‌كانی ده‌سپێكدا بێ ترس و به‌ ده‌نگێكی بڵند هه‌موو كاتێك نه‌فره‌تی له‌ به‌ختی ره‌شی خۆی ده‌كرد . دوایی كه‌ پیرتر بوو ،  به‌وه‌ قانع بوو كه‌ له‌ ژێر زمانیه‌وه‌ جنێو به‌ خۆی بدات. هه‌تا كه‌وته‌ حاڵه‌تی منداڵییه‌وه‌ ، به‌ درێژایی هه‌موو ئه‌و ساڵانه‌ی كه‌ پاسه‌وانه‌كه‌ی ده‌خوێنده‌وه‌ ، بگره‌ سپێكانی نێو جله‌ كوڵكنه‌كه‌ی پاسه‌وانه‌كه‌شی ده‌ناسیه‌وه‌ و زۆر جار داوای له‌ سپێكان ده‌كرد كه‌ یارمه‌تی بده‌ن و پاسه‌وانه‌كه‌ رازی كه‌ن كه‌ ده‌ست له‌ دژبه‌ری هه‌ڵبگرێت . هێدی هێدی چاوه‌كانی كز بوون، ئیدی له‌ راستی دا نه‌یده‌زانی دونیا ده‌ووروبه‌ری ئه‌و وا تاریك  بووه‌ یان چاوه‌كانی خۆی فریوی ده‌ده‌ن .
به‌ڵام ئێستا له‌ نێو تاریكیدا هه‌ستی ده‌كرد ، تروسكه‌یه‌كی شكۆمه‌ند هه‌موو جارێك له‌ نێو ده‌رگای یاسادا ده‌رده‌كه‌وێت . ئێستاش شتێك به‌ كۆتایی ته‌مه‌نی نه‌مابوو.
پێش له‌ مردنی هه‌موو ئه‌و ئه‌زموونانه‌ی كه‌ له‌ ته‌واوی ئه‌و ساڵانه‌ وه‌ریگرتبوو ،  هه‌مووی له‌ سه‌ریدا كۆ كرده‌وه‌ و كردی به‌ پرسیارێك كه‌ هه‌تا ئه‌و كاته‌ له‌ پاسه‌وانه‌كه‌ی نه‌كرد بوو . ئاماژه‌ی به‌ پاسه‌وانه‌كه‌ كرد ، چوونكو ئیدی به‌و جه‌سته‌ ووشكۆبووه‌وه‌یه‌وه‌ نه‌یده‌توانی له‌ جێ ی خۆیدا بجوڵێته‌وه‌ ،پاسه‌وانه‌كه‌ خۆی خوار كرده‌وه‌ و گوێی بۆ پیره‌ پیاوه‌ دێهاتیه‌كه‌ ڕاگرت .
پیاوه‌كه‌ لێ ی پرسی : ئه‌گه‌ر به‌ راستی هه‌ر كه‌س خوازیاری یاسایه‌ ، ئه‌ی بۆ هه‌تا ئێستا جیا له‌ من ، كه‌سی تر داوای چوونه‌وه‌ ژووره‌وه‌ی نه‌كردووه‌ .
پاسه‌وانه‌كه‌ كه‌ دڵنیا بوو  ئیدی كاتی مه‌رگی پیاوه‌كه‌ هاتووه‌ ، به‌ ده‌نگێكی بڵند كه‌ هه‌ردوو گوێ گران بووه‌كه‌ی ببیسن ، قیڕاندی :" لێره‌دا هیچ كه‌سێك جیا له‌ تۆ نه‌یده‌توانی بچێته‌ ژووره‌وه‌، چونكو ئه‌م ده‌رگای چوونه‌ ژووره‌وه‌ یه‌  ته‌نها بۆ تۆ دروست كرا بوو. ئێستاش من ده‌ڕۆم و ده‌رگاكه‌ داده‌خه‌م".


بۆچوونه‌کان
بۆچوون بنووسه‌

ناو:  

ئیمه‌یل:  

تێکستی کۆمێنته‌که‌ت  
ژماره 58
بڵاوکراوه‌یه‌کی سیاسی گشتییه، ئۆرگانی ڕاگه‌یاندنی یه‌کێتی دیموکراتی کوردستان ده‌ریده‌کات‌
01 02 03 04 05 06 07 08
چاند هۆنه‌ر
ژیــــــان له‌ پێشی ڕوودا/ چیرۆك (4)
پایان یک راه
مافی کۆپی کردن پارێزراوه‌ بۆ سایتی یه‌کێتی دیموکراتی کوردستان 2009 ده‌سپێک l هه‌واڵ l بۆنه‌ و ڕێوڕه‌سم l کۆمیته‌کان l خه‌باتی ئاشتیخوازانه‌ l ئه‌رشیف l ڤیدیۆ l په‌یوه‌ندی