ده‌سپێک l مقالات l هه‌واڵ l به‌یاننامه‌ و ڕاگه‌یاندن l سکرتێری گشتی l چاوپێکه‌وتن و وتووێژ l چاند و هونه‌ر l به‌رنامه‌ و په‌یڕه‌و l برنامه‌ و اساسنامه
به‌یان نامه‌و راگه‌یاندن
پەیامی یەکێتیی دیموکراتی کوردستان بە بۆنەی هاتنی ساڵی نوێی زایینیەوە
یەکێتیی دیموکراتی کوردستان
31 / 12 / 2016
ساڵی ٢٠١٦ی زایینی کۆتایی هات، لە ناوچەکە بە گشتی ساڵێک پڕ لە کارەسات و کێشمەکێش و ستەم و لە هەمانکاتیشدا ساڵێک پڕ لە بەرخۆدان و ژیانەوە و بەگژداچوونەوەی ستەمکاریەکان بوو، بەتایبەتی لە هەرچوار پارچەی کوردستان، کە گەلی کورد بە تەواوەتی لەم ساڵەدا هەم باجی ژیانخوازی و مافخوازی خۆی دا و هەمیش لە گەڵ بەرخۆدانیدا سەرکەوتنیشی بە دەست هێناوە.
ڕووداوەکانی ساڵی ٢٠١٦ی زایینی بۆ گەلی کورد وەک نەتەوەیەکی لە سەر پێ ڕاوەستاوی مافخواز، گەلێک پڕ ئازار بوو، کاتێک باکووری کوردستان کەوتە بەر هێرشی دەوڵەتی تورکیا و شار و گوندی کوردستانی کردە بەرەی شەڕی قورس و سەرکردە و نوێنەرە سیاسیەکانی گەلەکەمان لە باکوور ڕەوانەی زیندان کران یان لە هەردوو بەشی باشوور و ڕۆژئاوای کوردستان، پەلاماری هێزە تیرۆریستی و تاریکپەرەستەکان بۆ سەر خاکی کوردستان کە بەتەما بوون هیوای نوێ ئەم گەلە بۆ ڕزگاری تەنگ پێهەڵچنن و نەیانتوانی، لە هەمووی گرینگتر ستەمکاری و زیندان و کوشتنی خەڵکی ئاسایی و کاسبکار و چالاکانی بوارە جیاوازەکان لە لایەن کۆماری ئیسلامی ئێرانەوە، وەک بەشێکی هەرە کەمی ئازارەکانی نەتەوەی کورد و کوردستانیان بوو کە لە بەرابەریشیدا گەلەکەمان بە چۆکدا نەهاتووە و توانیویەتی سەرکەوتنی گەورە تۆمار بکات.
وەک یەکێتیی دیموکراتی کوردستان، ئاواتەخوازین کە گەلی کورد بەرامبەر بە ڕووداوەکانی داهاتوو بە هوشیاریەوە مامەڵە بکات و هێزە سیاسیەکەن بەرپرسیاری یەکەمن و یەکهەڵوێستی و یەکێتیی گەلەکەمان بە پێویست دەزانین و تایبەت بۆ خۆرهەڵاتی کوردستان چاوەڕوانین کە هێزە سیاسیەکان لە ژێر چەترێکی هاوکاری و بەرەیەک یان پلاتفۆرمێکی هاوبەشدا بەرامبەر بە ئەگەر و ڕووداوەکانی داهاتوو، کۆ ببنەوە و خاوەن پراتیک و کرداری ڕاستەقینەی بەرپەرچدانەوەی سیاسەتەکانی کۆماری ئیسلامی ئێران بن.
وەک یەکێتیی دیموکراتی کوردستان هیوادارین ساڵی داهاتوو ساڵێک بێت کە گەلەکەمان بگات بە ئاواتەکانی، بگات بە ماف و داخوازیە ڕەواکانی و ئاواتەخوازین کە هەموو گەلانی ناوچەکە بە ئازادی و ئاشتەوایی و برایەتی پێکەوە بژین و دیموکراسی ڕاستەقینە ببێت بە جێگرەوەی سیستەمە پتوورکاو و هەڵوەشاوەکانی ناوچەکە.
یەکێتیی دیموکراتی کوردستان – ئێران
٣١/١٢/٢٠١٦   



بۆچوونه‌کان
بۆچوون بنووسه‌

ناو:  

ئیمه‌یل:  

تێکستی کۆمێنته‌که‌ت  
ژماره 62
بڵاوکراوه‌یه‌کی سیاسی گشتییه، ئۆرگانی ڕاگه‌یاندنی یه‌کێتی دیموکراتی کوردستان ده‌ریده‌کات‌
01 02 03 04 05 06 07 08 09 10 11 12
به‌یان نامه‌و راگه‌یاندن
پە‌یامی یه‌كێتیی دیموكراتی كوردستان به‌ بۆنه‌ی ڕۆژی جیهانی كرێكار
بەیاننامەی نەورۆزی یەکێتیی دیموکراتی کوردستان
مافی کۆپی کردن پارێزراوه‌ بۆ سایتی یه‌کێتی دیموکراتی کوردستان 2009 ده‌سپێک l هه‌واڵ l بۆنه‌ و ڕێوڕه‌سم l کۆمیته‌کان l خه‌باتی ئاشتیخوازانه‌ l ئه‌رشیف l ڤیدیۆ l په‌یوه‌ندی